ЦХИНВАЛ, 22 авг — Sputnik. Хуссар Ирыстоны уӕвӕг уӕрӕсейаг ӕфсӕддон базӕйы танкон батальоны ног ӕрсиддонтӕ ӕрӕвнӕлдтой зынгон тренировкӕтӕм модернизацигонд танктыл Т-72Б, кӕцытӕ сты дӕлхайады гарзифтонгады, хъусын кӕны Хуссар ӕфсӕддон зылды пресс-службӕ.
Ахуыртӕ уагъд цӕуынц Цӕгат Ирыстоны иумӕйагӕфсӕддон полигоныл Тарскӕйы. Ӕрыгон фӕлтӕрмӕ ӕнхъӕлмӕ кӕсы хӕцӕнгарзӕй ӕнӕнхъӕлӕджы фӕзынгӕ ӕмӕ змӕлгӕ нысӕнтты ӕхст, афтӕ ма уӕлдӕфон нысӕнтты ӕхст пулеметӕй.
"Механик-шофыртӕ хъуамӕ сахуыр уой арӕхстджынӕй ӕмӕ цырд минӕтӕй-рӕмудзӕн арӕнӕвӕрд быруты ӕмӕ ӕндӕр цӕлхдурты иувӕрсты хизын", — дзырдӕуы хъусинаджы.
Ӕдӕппӕт быдырон ахуырты алы экипажӕн дӕр ӕрцӕудзӕн ӕфсӕддон машинӕтыл скъӕрыны фӕдыл рӕстӕг комплексон ахуырты 130 сахаты бӕрц ӕмӕ зынгон цӕттӕдзинады тыххӕй та 110 сахатӕй фылдӕр.
Ахуыртӕ ӕмхуызонӕй дих ӕрцыдысты суткӕйы афонты ӕхсӕв ӕмӕ боны ӕхсӕн.