ЦХИНВАЛ, 24 авг — Sputnik. Хуссар Ирыстоны уӕвӕг уӕрӕсейаг ӕфсӕддон базӕйы артиллери ӕмӕ ракетон ӕфсады дӕлхайадтӕ ӕрӕвнӕлдтой быдырон ахуыртӕм. Ахуыртӕ райдыдтой Хуссар ӕфсӕддон зылды 18 полигоныл, хайад сӕ исынц 11 мин ӕфсӕддон службӕгӕнӕджы, хъусын кӕны ХӔЗ-ы пресс-службӕ.
Быдырон сбортӕм ӕрӕвнӕлдтойХӔЗ-ы ракетӕхсджытӕ ӕмӕ артиллеристтӕ Хъырым, Сомихстон ӕмӕ Абхазы полигонтыл. Ӕфсӕддон цӕттӕдзинады мадзӕлтты хайад исынц 2,2 мин иуӕгӕй фылдӕр ӕфсӕддон техникӕ ӕмӕ гæрзтæ, уыдонӕй 330-ӕй фылдӕр сты артиллерион гӕрзтӕ, 200-мӕ ӕввахс реактивон систӕмӕтӕ, 400 минометы ӕмӕ 100 та танкты ныхмӕ фӕрӕзтӕ.
Нысан цӕуы, ӕфсӕддон тренировкӕты рӕстӕджы ӕфсӕддон службӕгӕнджытӕ кӕй спайда кӕндзысты оперативон-тактикон комплекс "Искандер-М", хӕдцӕугӕ артиллерион гӕрзтӕ "Хоста", "Акация", "Гвоздика", "МСТА-С" ӕмӕ "Мста-Б", реактивон системӕтӕ "Град", "Торнадо-Г" ӕмӕ "Ураган", хӕдцӕугӕ артиллерион машинӕтӕ "Берег", ракетон комплекстӕ "Бастион", афтӕ ма "Редут" ӕмӕ ӕндӕртӕй.
