Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ

© Sputnik / Алана СабееваВстреча Рамонова в Москве
Встреча Рамонова в Москве - Sputnik Хуссар Ирыстон
Рафыссын
Дыццӕджы изӕрӕй аэропорт Шереметьевойы журналисттӕ ӕмӕ табугӕнджытӕ ӕнхъӕлмӕ кастысты Уӕрӕсейы олимпиаг ӕмбырдгондмӕ. Командӕимӕ Мӕскуымӕ ӕртахт ирон богал, Риойы олимпиаг чемпион Рӕмонаты Сослан дӕр.

ЦХИНВАЛ, 24 авг — Sputnik, Сабеты Аланӕ. Уӕрӕсейы ӕмбырдгонды ратахт Рио-де-Жанейройӕ фӕфӕстиат цыппар сахаты бӕрц. Олимпиадӕйы уӕлахиздзаутимӕ ӕмӕ призертимӕ хӕдтӕхӕг Мӕскуыйы зӕххыл ӕрбадт 20:27 сахатыл.

Рӕмонаты Сослан - Sputnik Хуссар Ирыстон
Рӕмонаты Сослан: зын мын уыд мӕ тохмӕ ӕнхъӕлмӕ кӕсын Олимпаг хъӕзтыты фӕстаг боны онг

Мӕскуыйаг ирӕттӕ ӕрбацыдысты сӕ хъайтар — Рӕмонаты Сосланы размӕ, кӕцы ӕрхаста Уӕрӕсейы ӕмбырдгондӕн 19-ӕм сыгъзӕрин майдан ацы Олимпиаг хъӕзтыты.

Ӕнхъӕлмӕкӕсджытӕ ӕмӕ журналисттӕ цалдӕр хатт фӕивтой сӕ бынӕттӕ, цӕмӕй сын ма аирвӕза спортсменты рахызты уысм. Уыцы рӕстӕг аэропорты залы мин адӕймагмӕ ӕввахс хъуыстой ирон инструментты зӕлтӕм.

Олимпиӕгтӕ, ӕмбырдгонды тренертӕ ӕмӕ федерацийы минӕвӕрттӕ аэропорты залы фӕзындысты 22:00 сахатмӕ ӕввахс. Уыдоны размӕ рахызтысты "Ура!!!" хъӕртӕ ӕмӕ аплодисменттимӕ.

Рӕмонаты Сослан ӕмӕ уӕгъдибар хъӕбысхӕстӕй Уӕрӕсейы ӕмбырдгонды сӕйраг тренер Тедеты Дзамболатӕн нуазӕн ӕмӕ ӕртӕ уӕлибыхимӕ раарфӕ кодтой хистӕр кары адӕм. Уыдон загътой, куыд бузныг сты спортсменӕн йӕ уӕлахизы тыххӕй ӕмӕ дзы куыд сӕрыстыр сты, ирон адӕмӕн цы ӕнкъарӕнтӕ балӕвар кодта, уымӕй.

© Sputnik / Алана СабееваРӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ - Sputnik Хуссар Ирыстон
1/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
© Sputnik / Алана СабееваРӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ - Sputnik Хуссар Ирыстон
2/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
© Sputnik / Алана СабееваРӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ - Sputnik Хуссар Ирыстон
3/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
1/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
2/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ
3/3
Рӕмонаты Сосланыл сӕмбӕлдысты кӕфтытӕ ӕмӕ уӕлибыхтимӕ

Фӕсус хъӕлӕсмӕ ӕнӕкӕсгӕйӕ, чемпион лӕвӕрдта бирӕнымӕц комментаритӕ журналисттӕн, иста къамтӕ, кӕй фӕндыд, уыдонимӕ, дӕтта автографтӕ ӕмӕ акафыд традицион ирон кафт "Хонгӕ".

Спортсмены ныхӕстӕм гӕсгӕ, йӕ хъӕлӕс фесӕфт ерысты рӕстӕджы Уӕрӕсейы ӕмбырдгонды ′вварс активонӕй кӕй хӕцыд ӕмӕ ма олимпиадӕ сӕхгӕныны фӕстӕ командӕйы ӕнтыст кӕй нысан кодтой, уый тыххӕй.

"Ӕз нырма нӕ нысан кодтон, нысан кодтой мӕ хиуӕттӕ ӕмӕ хӕстӕджытӕ. Кӕй рамбылдтон, уый бӕлвырд бамбӕрстон, ме ′мзӕххонтӕ социалон хызӕгты цы бирӕнымӕц къамтӕ ӕмӕ видео сӕвӕрдтой, уыдон куы федтон, уӕд. Уымӕй фылдӕр ӕнкъарӕнтӕ райстон, уӕлахизы уысмӕимӕ абаргӕйӕ. Уӕд ахӕм ӕнкъарӕнтӕ нӕ бавзӕрстон. Зын мын уыд фӕстаг бонмӕ ӕнхъӕлмӕ кӕсын, цӕмӕй рахизон гауызмӕ ", — загъта Сослан.

Рӕмонаты Сослан загъта, бӕлвырд кӕй нӕ зоны, чи ӕмӕ куыд рацӕудзӕн йӕ размӕ хӕдзары, Ирыстоны.

"Мӕ ныхмӕлӕуджытӕ иууылдӕр сты аккаг лӕппутӕ. Никӕуыл мӕ фӕнды дӕлӕмӕ хӕцын. Алкӕмӕн дӕр уыд фадат чемпион суӕвын ацы уӕзы, фӕлӕ Хуыцау уыд ме ′вварс. Бузныг, кӕй мын баххуыс кодта", — банысан кодта чемпион.

Цхинвайлӕгтӕ банысан кодтой Рӕмонаты Сосланы уӕлахиз Риойы - Sputnik Хуссар Ирыстон
Цхинвайлӕгтӕ банысан кодтой Рӕмонаты Сосланы уӕлахиз Риойы

Уый ма загъта, допингы тыххӕй ныхӕстӕ кӕй хъыгдардтой спортсменты, фӕлӕ уый ӕмрӕстӕджы фӕахъаз сты, цӕмӕй ӕмбырдгонд фенгомдӕр уа ӕмӕ йӕ тыхтӕ ӕрбамбырд кӕна.

"Допингы темӕ у политикӕ. Ахӕм фӕрӕзтӕй хъавынц Уӕрӕсейы ӕмбырдгондӕн цӕлхдуртӕ сӕвӕрын. Фӕлӕ нӕ спортсментӕ иууылдӕр сты сыгъдӕг ӕмӕ тыхджын", — загъта Сослан.

Рӕмонаты Сослан загъта, тынг ӕй кӕй фӕнды хӕдзармӕ Ирыстонмӕ. Уӕгъдибар хъӕбысхӕстӕй Уӕрӕсейы ӕмбырдгонды тренер Тедеты Дзамболаты ныхӕстӕм гӕсгӕ, уыдон фӕнд кӕнынц ӕрцӕуын Хуссар Ирыстонмӕ дӕр.

Ног хабӕртты лентӕ
0