ЦХИНВАЛ, 29 авг — Sputnik. Цӕгат Ирыстоны Дыгуры цӕрӕг сылгоймаджы азым кӕнынц йӕ ноггуырд сывӕллон амарыны хъуыддаджы, хъусын кӕны УФ Слестгӕнӕн комитеты регионалон управленийы пресс-службӕ.
Слестгӕнджытӕ бакодтой уголовон хъуыддаг Дугуры районы станицӕ Николаевскаяйы 36-аздзыд сылгоймаджы ныхмӕ, кӕцыйы азым кӕнынц "мад йӕ ноггуырд сывӕллоны амарыны" статьямӕ гӕсгӕ фыдракӕнд саразыны хъуыддаджы.
"Слестгӕнӕн органты зонӕнтӕм гӕсгӕ, 2016 азы 12 августы азымгонд йӕ хӕдзары ныййардта лӕппу, кӕцыйы уайтагъд ныххурх кодта ӕмӕ ныууагъта ныккӕнды", — дзырдӕуы УСК цӕгатирыстойнаг управленийы хъусинаджы.
Слестгӕнӕн органтӕ сбӕрӕг кодта, арынӕй къуыри фӕстӕдӕр азымгонды 14-аздзыд лӕппу ссардта сывӕллоны мард буар хӕдзары ныккӕнды ӕмӕ ссарӕггаджы тыххӕй радзырдта йе ‘нахъом ӕфсымӕрӕн, кӕцы дыккаг бон баныгӕдта сывӕллоны цӕхӕрадоны.
Ныртӕккӕ слӕстгӕнджытӕ бӕлвырд кӕнынц ацы фыдракӕнды ӕууӕлтӕ.
