ЦХИНВАЛ, 30 авг — Sputnik. Уӕгъдибар хъӕбысӕйхӕцӕг Къудухты Бесикӕн, кӕцы трагикъон ӕгъдауӕй фӕмард ӕртӕ азы размӕ, байстой йӕ олимпиаг майдан, хъусын кӕны дыццӕджы РИА ФедералПресс.
Уый тыххӕй хъусинаг фӕзынд индиаг богал Йогешвару Даттуйы твиттеры, кӕцы ОХ-2012 рӕстӕджы бацахста ӕртыккаг бынат.
Ныр йӕ олимпиаг майдан фӕуӕлдӕр бронзӕйӕ ӕвзист майданы онг. Индиаг спортсмен фидарӕй дзуры, ахӕм скъуыддзаг райст кӕй ӕрцыд Къудухты Бесикы анализты тобӕгонд буарад кӕй разынд, уый аххосагӕй. Цы буарад ссардӕуыд, уый нӕ фехъусын чындӕуыд.
"Абон райсом базыдтон, мӕ олимпиаг майдан бронзӕйӕ кӕй фӕуӕлдӕр ӕвзисты онг. Ацы майдан нывонд кӕнын ме ′мзӕххонтӕн иууылдӕр", — ныффыста Датту.
Къудухты Бесик рамбылдта ӕвзист майдан Лондоны олимпиадӕйы. 2013 азы Бесик трагикъон ӕгъдауӕй фӕмард аварийы.
