ЦХИНВАЛ, 31 авг — Sputnik. Хуссар Ирыстон ӕмӕ Гуырдзыстоны ӕхсӕн уадзӕн пункттӕ ӕрцыдысты ӕхгӕд Зонындзинӕдты бон — 1 сентябры цытджын мадзӕлтты рӕстӕджы ӕдасдзинад сифтонг кӕныны нысанӕн, фехъусын кодтой РХИ Паддзахадон ӕдасдзинады комитеты пресс-службӕйы.
Уагдоны банысан кодтой, уадзӕн пунктты куыст ӕрвылбонон режимы кӕй сӕндидздзӕн 2 сентябры райсомӕй.
Ног ахуыры азы райдианы фӕдыл ма МХМ дӕр уадзы цытджын линейкӕты рӕстӕджы ӕхсӕнадон уагӕвӕрд ӕмӕ ӕдасдзинад бахъахъхъӕныны фӕдыл мадзӕлтты комплекс.
Уагдоны куыд банысан кодтой, афтӕмӕй ахуырадон уагдӕттӕ иууылдӕр ӕмӕ сӕ алыварс территоритӕ ӕрцӕудзысты сгӕрст сӕрмагонд техникон фӕрӕзты ӕмӕ службӕйон куыйты руаджы, уый фӕстӕ ист ӕрцӕудзысты фӕтыхджындӕргонд хъахъхъӕнынадмӕ.
Цытджын мадзӕлтты рӕстӕджы скъолаты территорийыл фӕфылдӕр кӕндзысты милицийы патрулы нымӕц. Уагӕвӕрдмӕ сӕ хъус дардзысты мидхъуыддӕгты органты 500 кусӕджы, банысан кодтой министрады.
Ацы аз ног ахуыры азы райдиан банысан кӕндзысты 54 республикон скъолайы. Сӕ къӕсӕртӕй фыццаг хатт бахиздзысты 620 ахуыргӕнинаджы.
