ЦХИНВАЛ, 31 авг — Sputnik. Ӕхсӕнадӕмон олимпиаг комитет (ӔОК) нӕ бафидар кодта информаци, зӕгъгӕ, Къудухты Бесикӕн байстой йӕ олимпиаг ӕвзист майдан ОХ-2012.
Раздӕр Массон информацийы фӕрӕзты фӕзынд информаци, ома ирон богал Къудухты Бесик 2012 азы Олимпиаг хъӕзтыты радта ӕвӕрццаг допинг-тест ӕмӕ йӕ фӕцух кӕндзысты йӕ ӕвзист майданӕй.
Дыццӕджы индиаг мыхуыры фӕрӕзтӕ фехъусын кодтой, индиаг богал Йогешвар Дуатт кӕй райсдзӕн Лондоны ацӕугӕ Олимпиаг хъӕзтыты-2012 ӕвзист майдан, уӕрӕсейаг богал Къудухты Бесикы допинг-тест ног басгӕрсты фӕстӕ ӕвӕрццаг фӕстиуӕг кӕй равдыста, уый тыххӕй. Дутт Лондоны бацахста ӕртыккаг бынат уӕгъдибар хъӕбысхӕстӕй ерысты 60 кг онг уӕзы категорийы.
"2008 ӕмӕ 2012 азты Олимпиаг хъӕзтыты допинг-тесты ног басгӕрст нырма ис процессы мидӕг ӕмӕ ӔОК хӕсдзӕн информаци ног цауты тыххӕй, процедурӕтӕ кӕронмӕ куы ахӕццӕ уой, уымӕ гӕсгӕ", — фехусын кодтой Р-Спортӕн ӔОК-ы пресс-службӕйы.