ЦХИНВАЛ, 31 авг — Sputnik. Цӕгатирыстойнаг цӕрӕгджы ӕрцахстой, чындзӕхсӕвы ӕхсын кӕй райдыдта, цӕй фӕстиуӕгӕн уазджытӕй иу — йе ′мгар райста уӕззау цӕфтӕ, хъусын кӕны Цӕгат Ирыстоны МХМ-ы пресс-службӕ.
Полицийы кусджытӕ куыд сбӕлвырд кодтой, афтӕмӕй Беслӕны 25-аздзыд цӕрӕг ӕрбацыд чындзӕхсӕвмӕ йе ′мгаримӕ ӕмӕ ног бинонты цӕрӕнбонӕн баназыны фӕстӕ рхъавыд пистолетӕй ӕхстӕй банысан кӕнын ацы цытджын бон, фӕлӕ нӕмыг сӕмбӕлд йе ′мгарыл, кӕцы фӕлвӕрдта уымӕн йӕ хӕцӕнгарз райсын.
Ӕрыгон лӕппуйы ӕвӕстиатӕй бакодтой ӕрцыд Бӕслӕны рынчындоны реанимацион хайадмӕ.
"Ӕвӕстиатӕй йын арӕзт ӕрцыд уӕззау операци. Дохтыртӕ аразынц ӕппӕт дӕр, фӕлӕ лӕппуйы уавӕр у тынг уӕззау", — банысан кодтой МХМ-ы.
Ӕхсӕджы ӕрцахстой, пистолет байстой ӕмӕ йӕ бакодтой уголовон хъуыддаджы ӕрмӕджытӕм.
