ЦХИНВАЛ, 1 сен — Sputnik. Республикӕ Цӕгат Ирыстон — Аланийы цӕрӕг Рашид Евлоевӕн рахастӕуыд тӕрхон ӕхсӕз азы колонийы арвитын, Сирийы террористон цӕттӕдзинад кӕй рацыд, уый фӕстиуӕгӕн, хъусын кӕны сӕйраг ӕфсӕддон прокуратурӕйы пресс-службӕ.
Бӕлвырд ӕрцыд, Евлоев кӕй у радикалон исламы ӕвварсхӕцӕг ӕмӕ дарддӕры террористон архайд ӕххӕст кӕныны нысанӕн ӕрцыд ӕнӕзаконон хотыхджын къорд "Имарат Кавказ"-ы уӕнгты цӕттӕгӕнӕн ахуырадон центрмӕ, кӕцы уӕвы Сирийы территорийыл.
Ам Евлоев 2013 азы октябрӕй декабрьмӕ сахуыр хӕцӕнгарзӕй ӕхсын, рӕмудзӕн ӕрмӕджытӕ аразын.
"Паддзахадон зылынгӕнӕг — Хуссар Ӕфсӕддон зылды ӕфсӕддон прокуратурӕйы ӕфсӕддон прокуроры ӕнхъарӕнмӕ гӕсгӕ, Цӕгаткавказаг зылдон ӕфсӕддон тӕрхондон аскъуыддзаг кодта Евлоевӕн 6 азы бакӕнын иумӕйаг режимы колонийы", — дзырдӕуы хъусинаджы.
Цӕттӕгӕнӕн ахуырты фӕстӕ Евлоев араст Туркмӕ, Уӕрӕсемӕ фӕстӕмӕ раздӕхыны нысанӕн, фӕлӕ куы базыдта, уголовон агуырды кӕй ис, уӕд йӕхи бааууон кодта Германийы. Уым ӕй 2014 азы ӕрцахстой барадхъахъхъӕнӕн органтӕ ӕмӕ йӕ радтой Уӕрӕсейӕн.