ЦХИНВАЛ, 5 сен — Sputnik. Ис гӕнӕн ӕмӕ Риойы Олимпиадӕ суа фӕстаг ирон богал Гозымты Хетӕгӕн, фыссы 15 регион.
Хетӕг Олимпиадӕйы хъахъхъӕдта Азербайджаны кад, ссис олимпиадӕйы ӕвзист призер.
"Раздӕр ӕз загътон мӕхицӕн, Хъӕзтытӕ кӕй хъуамӕ суой фӕстӕгтӕ мӕ карьерӕйы. Фӕлӕ мӕ ныр хъуыды кӕнын дӕр нӕ фӕнды, мӕ уарзон хъуыддагыл къух сисын. Зӕгъын, хъӕбысхӕст кӕй уадзын ӕмӕ мӕ карьерӕйӕн хӕрзбон зӕгъын, мӕ бон нӕу, уымӕн ӕмӕ зын у психологон цӕстӕнгасӕй", — загъта спортсмен журналисттӕн Дзӕуджыхъӕуы.
Уый бафтыдта, кӕй йӕ фӕнды нырма баулӕфын ӕмӕ сабыр уавӕры аскъуыддзаг кӕнын мӕ дарддӕры къахдзӕфтыл спортивон карьерӕйы.
