Дзæуджыхъæуы байгом æхсæнадæмон фестиваль "Уазæгуаты Гергиты Ларисамæ"

© Sputnik / Ада БагианЛариса Гергиева на творческом вечере Сергея Безрукова
Лариса Гергиева на творческом вечере Сергея Безрукова - Sputnik Хуссар Ирыстон
Бафыссын
Yandex newsTelegram
Фестивалы фæлгæтты ацæудзæн концерттæ, нывты æмæ къамты равдыстытæ, музыкалон спектакльты премьерӕтæ, фембæлдтæ æмæ мастер–класстæ.

ЦХИНВАЛ, 5 сен — Sputnik. Дзæуджыхъæуы йæ куыст райдыдта XI æхсæнадæмон фестиваль "Уазæгуаты Гергиты Ларисамæ ", хъусын кæны Цæгат Ирыстоны культурæйы министрад.

Фестивалы фæлгæтты ацæудзæн концерттæ, нывты æмæ къамты равдыстытæ, музыкалон спектакльты премьерӕтæ, фембæлдтæ æмæ мастер-класстæ.

"Фестивалæн арæзт æрцыд гуырахстджын нывæзт. Дзæуджыхъæуккӕгты раз сæ арæхстдзинад равдисдзысты фортепианойы æхсæнадæмон конкурсы уæлахиздзау Варвара Непомнящая, пианисттæ-æфсымæртæ Лукас æмæ Артур Юссен æмæ æндæртæ", — дзырдæуы хъусинаджы.

Мадзалы фæлгæтты ацæудзæн Лисицианы номыл вокалистты цыппæрæм æхсæнадæмон конкурс, архайдзысты дзы зарæггæнджытæ Уæрæсейæ æмæ фæсарæнтæй.

Безруков Цхинвалмӕ ӕрцӕудзӕн Гергиты Ларисӕйы фестивалы фӕлгӕтты

Фестивалы ма фыццаг хатт хайад райсдзæн якутийаг ансамбль, кæцы аивадуарзджыты базонгæ кæндзæн сыбыраг чысыл адæмты кӕфтытимæ.

Уымæй дарддæр ма фестивалы рæстæджы ацæудзысты республикæйы æвзонг курдиатджын фæсивæды концерт "Молодость Осетии", стæй ма нывты æмæ къамты равдыстытæ.

Фестивалы программæйы иу хай уыдзæн нывонд сабитæн — сывæллæттæм æнхъæлмæ кæсы æртæ премьерон музыкалон спектаклы.

26 сентябры та организатортӕ æнхъæлмæ кæсынц зындгонд журналист Владимир Познермæ.

Ног хабӕртты лентӕ
0