ЦХИНВАЛ, 13 сен — Sputnik, Плиты Фатимæ. Цхинвайлаг боксер Дженыкъаты Роберт ссис Валерий Поповы номыл турниры уæлахиздзау Минводты, фехъусын кодта Sputnik спортсмены тренер Хаситы Владислав.
"Роберт архайдта 60 килограммы уæзы категорийы, йӕхи иттӕг хорз равдыста ӕмӕ рамбылдта турниры сыгъзӕрин майдан", — загъта тренер.
Ерысты ма архайдта ноджы ӕртӕ хуссарирыстойнаг спортсмены, уыдонæй дӕр дыууӕ ссисты призертӕ.
"Хорз бæрæггæнæнтæ ма 60 кг уæзы категорийы равдыста нӕ аннæ æрыгон боксер Тыбылты Тамерлан дӕр, уый ссис æрыккаг бынаты хицау. Цхуырбаты Алик та, 54 килограммы уæзы архайгæйæ, бацыд æвзист призерты нымæцмæ", — бафтыдта Хаситы Владислав.
Ерыстæ цыдысты 7-10 сентябры Минводты, архайдтой дзы 150 æрыгон боксеры онг Цæгат Кавказы республикæтæй.
Цхинвайлаг боксерты тренер ма куыд бафиппайдта, афтӕмӕй ныридæгæн та боксы скъолайы хъомылгæнинæгты цæттæ кæнынц Уæрæсейы фыццагады æвзарæн турнирмæ.
