ЦХИНВАЛ, 13 сен — Sputnik. Ракетчиктӕ Цӕгат Ирыстоны ӕрӕвнӕлдтой ахуыртӕм оперативон-тактикон ракетон комплекс "Искандер-М"-ӕй электрон ӕхст кӕнын мӕнг ныхмӕлӕууӕджы Астраханы областы, хъусын кӕны Хуссар ӕфсӕддон зылды (ХӔЗ) пресс-службӕ.
ХӔЗ-ы ракетон бригадӕйы дӕлхайадты тактикон ахуырты хайад исынц 300 адӕймаджы ӕмӕ 40 иуӕджы ӕфсӕддон техникӕ ӕмӕ хӕстӕрмӕджытӕ.
"Цӕгат Ирыстоны дислокацигонд Хуссар ӕфсӕддон зылды (ХӔЗ) ракетон бригадӕйы дӕлхайадтӕ ӕрӕвнӕлдтой ахуыртӕм — оперативон-тактикон ракетон комплекс (ОТРК) "Искандер-М"-ӕй электрон ӕхст кӕнын мӕнг ныхмӕлӕууӕджы Астраханы областы", — дзырдӕуы ХӔЗ-ы пресс-службӕйы хъусинаджы.
Ахуырты рӕстӕджы ракетчиктӕ бакусдзысты ракетон комплекс айтынг кӕныны фӕдыл архайды алгоритмыл, зынджы позицитӕ ахсыныл ӕмӕ ӕфсӕддон ӕхст кӕныны цӕттӕдзинадыл. Уый фӕстӕ сараздзысты цалдӕр ахуырадон электронон ӕхст ракетӕтӕй мӕнг ныхмӕлӕууӕджы объекттыл, кӕцытӕ сты 500 км онг дӕрддзӕф ӕвӕрд.
