Хъӕбысӕйхӕцӕджы фӕндаг политикӕмӕ

© Sputnik / Алексей КовалевБикоев Вадим чемпион России по вольной борьбе
Бикоев Вадим чемпион России по вольной борьбе - Sputnik Хуссар Ирыстон
Рафыссын
Спорты бæрзæндтæм Вадим йæ фæндаг айгӕрста Цхинвалы спорты скъолайы гауызтæй. Фыццаг уæлахизтæ йæ къухы бафтыдысты регионалон турнирты, фæстæдæр басаста æппæтуæрӕсейон æмæ æхсæнадæмон турнирты хайадисджыты.

ЦХИНВАЛ, 15 сен — Sputnik, Плиты Фатимӕ. Хуссарирыстойнаг богал Бикойты Вадим цыппӕрӕмы стох кæндзæн уӕгъдибар хъӕбысхӕстӕй дунейы фыццагады ӕвзӕнгты ‘хсӕн. Ерысты уый хъахъхъæндзæн Уæрæсейы споритвон кад. Турниры агъоммæ спортсмен йӕ тренеримӕ фæуазæг ис Sputnikмæ æмæ радзырдта, йӕхи куыд бацӕттӕ кодта ерыстӕм ӕмӕ йæ фидæны плӕнтты тыххӕй.

Хуссар Ирыстоны кæстæр фæлтæры ‘хсæн иууыл æнтыстджындæр уæгъдибар хъæбысæйхæцæгыл нымад цæуы Бикойты Вадим. Архайы 58 килограммы уæзы ӕмӕ ӕвзонг кармӕ ‘нӕкӕсгӕйӕ, лӕппуйӕн ныридӕгӕн бантыст рамбулын бирæнымæц серьезон ерыстæ. У 2014 азы дунейон ерысты æвзист майданы хицау ӕмӕ бирӕ алыгъуызон регионалон ерысты уæлахиздзау.

"Ацы тохмӕ мӕхи цӕттӕ кӕнын тынг бындуронӕй. Тренировкӕтӕм ацӕуын суанг нӕ республикӕйӕ ӕддӕмӕ дӕр, цӕмӕй ӕндӕр горӕтты ныхмӕлӕуджытимӕ дӕр бафӕлварон мӕ тыхтӕ ӕмӕ сын райсон сӕ фӕлтӕрддзинад. Ныфс мӕ ис, кӕй ӕрыздӕхдзӕн уӕлахизимӕ", — радзырдта спортсмен.

© Sputnik / Из личного архива Вадима БикоеваБикойты Вадим гауызыл
Бикоев Вадим - Sputnik Хуссар Ирыстон
Бикойты Вадим гауызыл

Спорты бæрзæндтæм Вадим йæ фæндаг айгӕрста Цхинвалы спорты скъолайы гауызтæй. Фыццаг уæлахизтæ йæ къухы бафтыдысты регионалон турнирты, фæстæдæр басаста æппæтуæрӕсейон æмæ æхсæнадæмон турнирты хайадисджыты.

Ныр та дыккаг хатт ирон спортсмен йæ физикон цæттæдзинад æмæ спортивон амонд фæлвары Дунейон ерысты.

"Ныфс мæ ис, дунейы фыццагады ацы хатт мæ хъомылгæнинаджы къухы кæй бафтдзæн уæлахиз. Уый ма ацы ерысты архайдта 2014 азы дӕр, уӕд бацахста дыккаг бынат, фæлæ уым дæр йæ бон уыд хуыздæр бæрӕггæнæнтæ равдисын", — банысан кодта спортсмены тренер Коцты Тамерлан.

Æрыгон хъæбысхæцæджы стырдæр бæллиц, ӕвӕццӕгӕн алы спортсменау дӕр, у Олимпиаг хъæзтыты уæлдæр пьедесталмæ схизын.

Уӕрӕсейы Спатакиадӕ - Sputnik Хуссар Ирыстон
Ирон хъӕбысӕйхӕцӕг Бикойты Вадим ссис Уӕрӕсейы Спартакиадӕйы уӕлахиздзау

Йӕ ацы бӕллиц ын ноджы сразӕнгард кодтой ӕндӕр ирон богалты уӕлахизтæ æмæ Вадимы уырны, уый дæр кæй сфæлхатт кæндзæн Богъиты Вадим, Къудухты Бесик æмæ Рæмонаты Сосланы æнтыстытæ хъæбысхæсты.

"Кæй зæгъын æй хъæуы, мæ бæллиц у Олимпиаг сыгъзæрин, уыцы бæллицыл мæ зæрдæ никæд сивдзæн. Травмæтæ æмæ чысыл къуыхцытæ нæ басæтдзысты ме ʻстыр бæллиц. Кумир мын у Къудухты Бесик, уымæн уыд иууыл рæсугъддæр æмæ уынинагдæр тохтæ", — загъта Вадим.

Йæ спортивон карьерӕ кӕронмӕ куы бахӕццӕ кӕна, уый фæстæ та спортсмен йӕ фидæн уыны политикæйы.

"Ахæм дæнцæгтæ дæр ис бирæ", — худы уый.

Ног хабӕртты лентӕ
0