Хуссарирыстойнаг дзюдоист Джиоты Аслан стох кæндзæн Европæйы фыццагады

© Спортсмены архивӕй къамИрон дзюдоист Джиоты Аслан
Ирон дзюдоист Джиоты Аслан - Sputnik Хуссар Ирыстон
Бафыссын
Yandex newsTelegram
20-аздзыд спортсмен у Знауыры районы дзюдойы скъолайы хъомылгӕнинаг. Йæ тренер Гæбæраты Иналы уырны, Аслан ерыстæй кӕй ӕрыздӕхдзӕн уӕлахизимӕ.

ЦХИНВАЛ, 16 сен — Sputnik, Плиты Фатимӕ. Знауыры районы дзюдойы скъолайы хъомылгæнинаг Джиоты Аслан стох кæндзæн æрыгæтты ‘хсæн Европæйы фыццагады дзюдойӕ, фехъусын кодта Sputnik спортсмены тренер Гæбæраты Инал.

Знауыры дзюдойы скъола - Sputnik Хуссар Ирыстон
Знауыраг дзюдоисттӕ ссисты Уӕрӕсейы фыццагады уӕлахиздзаутӕ

Европæйы фыццагад уагъд цæуы Испанийы, горæт Малагайы 16-18 сентябры. Джиоты Аслан ерысты хъахъхъæндзæн Уæрæсейы спортивон кад, куыд бæстæйы фыццагады уæлахиздзау. Архайы 100 килограммы уӕзы категорийы.

"Аслан у иттæг хорз цæттæ. Сабаты райсом райдайдзысты йæ тохтæ. Халæппæрсты фæстиуджытæм гæсгæ Асланæн уыдзæн 4-5 фембæлды. Ерысты размæ рацыд цæттæгæнæн ахуыртæ Уæрæсейы æмбырдгондимæ. Испанимӕ ацыд уæлахиз хæссынмæ ӕмӕ мӕ уырны, йæ къухы хорз æнтыст кæй бафтдзæн", — загъта тренер.

Джоиты Аслан ацы аз марты та рамбылдта Уӕрӕсейы фыццагады сыгъзӕрин майдан.

Ног хабӕртты лентӕ
0