ЦХИНВАЛ, 16 сен — Sputnik. Хуссар Ирыстоны арӕныл Гуырдзыстонимӕ уадзӕн пункт уыдзӕн гом къуырисӕры 7.00 сахатӕй 20.00 сахаты онг, уый фӕстӕ арӕн фӕстӕмӕ ӕрцӕудзӕн ӕхгӕд дыууӕ бонмӕ.
Раздӕр ПӔК фехъусын кодта, арӕн кӕй ӕрцӕудзӕн ӕхгӕд 17-19 сентябры. Ацы мадзӕлттӕ ист цӕуынц, Республикӕйы боны цытӕн мадзӕлттӕ уадзыны рӕстӕджы ӕдасдзинад бахъахъхъӕныны нысанӕн.
"Бӕрӕгбоны рӕстӕджы ӕдасдзинады мадзӕлттӕ кӕй фӕтыхджындӕр уыдзысты, уый тыххӕй 19 сентябры 20.00 сахатӕй 22 сентяры онг Хуссар Ирыстон ӕмӕ Гуырдзыстоны ӕхсӕн паддзахадон арӕныл уадзӕн пункт рӕстӕгмӕ уыдзӕн ӕхгӕд", — загътой ПӔК-ы.
Уадзӕн пункт ӕрвылбонон режимы скусдзӕн 22 сентябры райсом.
