Джиоты Вероникӕ: нӕ кӕсджытӕ сты иууыл хӕларзӕрдӕ, уыдон тыххӕй мӕ фӕнды зарын

© Sputnik / Вадим Жернов /  Ахизын медиабанкмæОперная певица Вероника Джиоева на гала-концерте звезд оперной сцены в Санкт-Петербурге.
Оперная певица Вероника Джиоева на гала-концерте звезд оперной сцены в Санкт-Петербурге. - Sputnik Хуссар Ирыстон
Рафыссын
Ацы аз Хуссар Ирыстоны дыккаг хатт ацӕудзӕн фестиваль "Аланийы стъалы". Йӕ организатор - оперон зарӕггӕнӕг Джиоты Вероникӕ ногӕй ӕркӕндзӕн райгуырӕн Цхинвалмӕ музыкалон аивады иууыл хуыздӕр минӕвӕртты.

ЦХИНВАЛ, 23 сен — Sputnik. Октябры райдианы хуссарирыстойнаг столицӕйы уагъд ӕрцӕудзӕн оперон зарӕггӕнӕг Джиоты Вероникӕйы музыкалон аивады фестиваль "Аланийы стъалы". Фестиваль Хуссар Ирыстоны уагъд ӕрцӕудзӕн дыккаг хатт.

Вероника Джиоты - Sputnik Хуссар Ирыстон
Джиоты Вероника: фестиваль "Ирыстоны стъалы"-йы хъæуы стадион

Дунейыл зындгонд оперон зарӕггӕнӕг Джиоты Вероникӕ раджы балхӕдта оперон аивады табугӕнджыты зӕрдӕтӕ, уӕрӕсейаг ӕмӕ европӕйаг хуыздӕр сценӕтыл йӕ курдитат ӕвдисгӕйӕ. У Цӕгат ӕмӕ Хуссар Ирыстоны адӕмон артисткӕ.

Фыццаг хатт фестиваль "Аланийы стъалы" уагъд ӕрцыд Цхинвалы 2015 азы августы. Уӕд, классикон музыкӕйы фестивалмӕ Хуссар Ирыстоны столицӕмӕ ӕрцыдысты артисттӕ Уӕрӕсе, Украинӕ, Чехийӕ. Ацы аз уыдонӕй бирӕтӕ сӕ аивад ӕмӕ курдиатӕй ногӕй барухс кӕндзысты хуссарирыстойнаг аивадуарзджыты зӕрдӕтӕ.

"Ацы аз фестиваль уагъд ӕрцӕудзӕн дыккаг хатт. Ӕнцон нӕ уыд, фӕлӕ уӕддӕр ацӕудзӕн. Программӕ уыдзӕн цымыдисон, фестивалы фӕлгӕтты уагъд ӕрцӕудзысты зындгонд музыкантты мастер-класстӕ. Уыдзӕн стыр концерт ", — загъта Sputnik Джиоты Вероникӕ.

Куыд фарон, афтӕ ацы аз дӕр, фестивалы уазджытӕ суыдзысты зындгонд дирижер Феликс Коробов, кӕцы ацы аз ралӕудзӕн куыд виолончелист, афтӕ. Цхинвалмӕ ӕрцӕудзысты ныридӕгӕн ам зындгонд тенор Владимир Коваль ӕмӕ чехаг сопрано Лиана Саас.

Концерты хайад райсдзӕн скърипкӕдзӕгъдӕг Михаил Симонян, кӕцыйӕн къухӕмдзӕгъд кӕнынц дунейы иууыл хуыздӕр залтӕ. Цхинвайлаг аивадуарзджыты зӕрдӕтӕ ма сӕ аивадӕй барухс кӕндзысты ӕхсӕнадӕмон конкурсты лауреат, Базелы (Швейцари) оперӕйы ӕрхонгӕ солист Павел Янковский (баритон) ӕмӕ ӕхсӕнадӕмон конкурсы дипломант Татьяна Смыслова (фортепиано).

Джиоты Вероникӕйы ныхӕстӕм гӕсгӕ, ахӕм мадзӕлттӕ сты ӕнӕмӕнгхъӕуӕг, уымӕн ӕмӕ дӕттынц импульс республикӕйы музыкалон цардӕн. Йӕ хъуыдымӕ гӕсгӕ, "спорт ӕмӕ политикӕ хорз сты, фӕлӕ ахӕм мадзӕлттӕ хорзӕрдӕм ӕндавынц республикӕйы размӕцыдыл ".

"Хуссар Ирыстоны ис тынг бирӕ курдиатджын фӕсивӕд, кӕцыйы фӕнды ахуыр кӕнын, ӕцӕг аивадмӕ хъусын, уымӕ гӕсгӕ ацы здӕхтыл хъӕуы кусын. Хорз уаид, фестивалы фӕлгӕтты зарӕггӕнджыты конкурс ауадзын, цӕмӕй уагъд цӕуой оперон спектаклтӕ. Хъыгагӕн, республикӕйы нырма нӕй зал оперон спектаклтӕн ", — загъта оперон зарӕггӕнӕг.

Джиоты Вероника радзырдта йе ‘сфӕлдыстадон фӕндаджы тыххӕй - Sputnik Хуссар Ирыстон
Джиоты Вероника радзырдта йе ‘сфӕлдыстадон фӕндаджы тыххӕй

Уый банысан кодта, республикӕйы къухдариуӕгад аразы ӕппӕтдӕр аивады пропагандӕйӕ, фӕлӕ "хъӕуы фылдӕр аразын".

Джиоты Вероникӕ загъта бузныг президент Тыбылты Леонид ӕмӕ культурӕйы министр Остъаты Мадинӕйӕн фыццаг фестивалы бӕрзонд организацийы тыххӕй ӕмӕ равдыста ныфс, ацы хатт алцыдӕр кӕй ацӕудзӕн ноджы хуыздӕр.

"Нӕ аивадуарзджытӕ сты иууыл хӕларзӕрдӕ, уыдонӕн мӕ фӕнды зарын", — бафтыдта уый.

Ног хабӕртты лентӕ
0