Ирон рæсугъд Базоайты Зæринæ ахызт конкурсы финалмæ

© FacebookZarina Bazoeva
Zarina Bazoeva - Sputnik Хуссар Ирыстон
Бафыссын
Yandex newsTelegram
Зæринæйæн конкурсы йæ рахызтытӕй иу уыдзæн разгæмтты. Мадзалы домæнмæ гæсгæ традицион равдыстытæй дарддæр ма конкурсанткӕтæ рахиздзысты националон дарæсы.

ЦХИНВАЛ, 29 сен — Sputnik, Плиты Фатима. Ирон рæсугъд Базоайты Зæринæ ахызт æппæтуæрæсейон конкурс "Мисс Россия, Новая Зеландия и Австралия"-ы финалмæ. Ныридӕгӕн конкурсанткӕтӕ сӕхи цӕттӕ кӕныц финалмӕ, цӕуынц фотосесситӕ ӕмӕ тренировкӕтӕ, фехъусын кодта Sputnik ирон финалисткӕ Базойты Зæринæ.

Мисс БТК-4 - Sputnik Хуссар Ирыстон
Цхинвалы равзӕрстой мисс БТК-4

Рӕсугъддзинады конкурсы финалисттӕ иууылдӕр рахиздзысты уырыссаг адӕмон дарӕсы, Базоайты Зæринæ та скæндзæн разгӕмттæ.

"Цӕгат Ирыстоны салон "Симд"-ы цӕрдӕгӕй бахуыдтой разгӕмттӕ. Ныридæгæн нæхи цæттæ кæнæм финалмæ, цæуынц нын фотосесситæ æмæ тренировкæтæ", — радзырдта Зæринæ.

Чызджы ныхæстæм гæсгæ, уый ныфс ис, Ирыстоны æххуысыл æнцойгæнгæйæ кӕй бахаудзæн æртæ æныстджындæрты нымæцмæ.

"Ирыстоны адæмы фæрцы мæн ныфс ис финалы æнтыстджын кæй разындзынæн. Онлайн-хъæлæсæппæрст афтæ куы цæуа дарддæр дæр, уæд уæлахиздзау дæр суыдзæн", — бафтыдта йæ ныхæстæм уый.

Уæрæсейы аккагдæр минæвары равзардзысты дæс чызджы ′хсæнæй.

Хацырты Екатеринæ ахсы дыккаг бынат "Мисс Россия 2016" онлайн-хъæлæслæвæрды

Онлайн-хъæлæсæппæрст райдыдта, 15 октябры та жюри сæвæрдзæн йæхи нысæнттæ æмæ конкурсæн скæндзысты хатдзæгтæ. 

Конкурсы уæлахидзау Ног Зеландийы æвдисдзæн уæрæсейаг культурæ.

Базоайты Зæринæ райгуырд æмæ йæ сабибонтæ арвыста Дзæуджыхъæуы. Каст фæцис Лондоны университеты экономикæйы факультет, кусы финансон аналитикæй. Фондз азы размæ йæ куысты фæдыл ацыд Оклендмæ. Уым хъазы Ног Зеландийы теннисон командæйы сконды.

Ног хабӕртты лентӕ
0