ЦХИНВАЛ, 10 окт — Sputnik. Дзӕуджыхъӕуӕй Мӕскуымӕ цӕуӕг пассажирон автобусимӕ фӕндагон-транспортон цауы фӕстиуӕгӕн зиан баййӕфтой 12 адӕймаджы, хъусын кӕны 15 регион.
Авари ӕрцыд Тулӕйы областы Узловскы районы. Пассажирон автобус фӕфӕлдӕхт трассӕ М4 "Дон"-ы 220-ӕм километрыл. Уӕлвӕткон уагдон фехъусын кодта зианбаййафджыты хыгъд, кӕцытӕй дыууӕ ис реанимацион хайады.
Зианбаййафджыты ӕхсӕн сты 29-аздзыд Хуыгаты Алена, 37-аздзыд Къусурты Льяна, 55-аздзыд Козиева Елена, 31-аздзыд Сосранова Залина, 46-аздзыд Александр Афанасенко, 66-аздзыд Газиты Эдуард, 78-аздзыд Ягуза Саломасова, 45-аздзыд Дзассохты Зарима ӕмӕ Багаты Владимир, 71-аздзыд Иван Дидик, 61-аздзыд Валерий Волошенович ӕмӕ 40-аздзыд Къусурты Виталий.
Ӕдӕппӕт автобусы уыд 15 адӕймаджы.
