ЦХИНВАЛ, 12 окт — Sputnik. Реанимобилтӕ фӕхӕццӕ кӕндзысты республикӕмӕ Тулӕйы областы аварийы бахауӕг пассажиртӕй ӕртӕйы, ныртӕккӕ уыдон раздӕхынц фӕстӕмӕ, хъусын кӕны 15 регион.
Авари ӕрцыд Тулӕйы областы Узловскы районы. Пассажирон автобус фӕфӕлдӕхт трассӕ М4 "Дон"-ы 220-ӕм километрыл. Дзӕуджыхъӕуӕй Мӕскуымӕ цӕуӕг пассажирон автобусимӕ фӕндагон-транспортон цауы фӕстиуӕгӕн зиан баййӕфтой 12 адӕймаджы.
"Специалистты басгӕрсты фӕстӕ республикӕмӕ сфӕнд кодтой рацӕуын Александр Афанасенко, Къусурты Льянӕ ӕмӕ Хуыгаты Аленӕ. Уыдон ӕрцӕудзысты госпитализаци республикон клиникон рынчындонмӕ", — хъусын кӕны республикон ӕнӕниздзинад хъахъхъӕнынады пресс-службӕ.
Трассӕ "Дон"-ыл ФТЦ-ы аххосаг ссис автобусы пассажиртӕй иуы ӕнӕадекватон уагахаст, уый агуры полици.
