ЦХИНВАЛ, 17 окт — Sputnik. Дзӕуджыхъӕуккаг ӕрыгон сылгоймаджы Цӕгат Ирыстоны тӕрхондон фӕивар кодта экстремистон литературӕ уӕй кӕныны тыххӕй, фехъусын кодта ӔФС-йы регионалон управлени.
Куыд хъусын кӕнынц, афтӕмӕй 20-аздзыд чызг уӕй кодта ӕнӕтрадицион ислам пропагандӕгӕнӕн чингуытӕ Дзӕуджыхъӕуы централон уынгтӕй иуыл.
"Интернеты социалон хызӕгтӕй иуы йӕ сайтыл уый рекламӕ кодта скӕсӕн базайрӕгтӕ, уый нымӕцы ӕнӕтрадицион ислам пропагандӕгӕнӕг чингуытӕ. Уый фӕстӕ сӕ чызг уӕй кодта йӕ дуканийы, Дзӕуджыхъӕуы централон уынгтӕй иуыл", — дзырдӕуы хъусинаджы.
ӔФС-йы управленийы куыд фехъусын кодтой, афтӕмӕй сылгоймаг ӕмбаргӕйӕ уӕй кодта радикалон мидисимӕ литературӕ, йӕ аххосыл басаст ӕмӕ ӕрфӕсмон кодта.
"Чызджы банымадтой аххосджыныл, уымӕн рахастӕуыд тӕрхон административон ивары хуызы", — дзырдӕуы хъусинаджы.
