ЦХИНВАЛ, 8 ноя — Sputnik. Сӕдӕ ‘фсӕддон службӕгӕнӕджы ӕмӕ 20 иуӕджы ӕфсӕддон техникӕ архайынц Хуссар Ирыстоны Дзарцъемы ӕфсӕддон полигон ӕнӕхӕлд гӕрзтӕ ӕмӕ рӕмудзӕн ӕрмӕджытӕй ссыгъдӕг кӕныныл, хъусын кӕны ХӔЗ-ы пресс-службӕ.
Минӕтӕ сӕнӕзианхъом кӕныны фӕдыл мадзӕлтты ма исынц хайад сӕрмагондӕй ахуыр минӕйон-агурӕг лабрадортӕ ӕмӕ куыйтӕ. Ӕдӕппӕт нывӕндынц ссыгъдӕг кӕнын ӕртӕ мин гектары.
"Хуссар Ирыстоны уӕвӕг ХӔЗ-ы уӕрӕсейаг ӕфсӕддон базӕйы инженерон ӕфсады дӕлхайӕдтӕ ӕрӕвнӕлдтой Дзарцъемы полигоны ахуырадон бынӕттӕ ӕнӕхӕлд гӕрзтӕ ӕмӕ рӕмудзӕн ӕрмӕджытӕй сыгъдӕг кӕнымӕ", — банысан кодтой ХӔЗ-ы.
Инженерон басгӕрст ӕдыппӕтӕй уагъд ӕрцӕудзӕн 3 мин гектарыл, ссардгонд ӕнӕхӕлд гӕрзтӕ ӕмӕ рӕмудзӕн ӕрмӕджытӕ та ӕрцӕудзысты ӕнӕзианхъом.
Сыгъдӕг кӕныны рӕстӕджы пайда кӕнынц ӕнӕконтактон рӕмудзӕн ӕрмӕджытӕ агурджытӕй ИНВУ "Коршун-3М" ӕмӕ хъахъхъӕнӕн костюмтӕй "Дублон".
