Хуссар Ирыстоны та аргъӕвтой рухсы ахицӕн

© Sputnik / Роман Денисов /  Ахизын медиабанкмæЛинии электропередачи
Линии электропередачи - Sputnik Хуссар Ирыстон
Рафыссын
Республикӕмӕ рухсы ифтонгад хъуамӕ ӕрцыдаид хицӕн элуктрохаххыл нывӕзтгонд цалцӕггӕнӕн куыстыты тыххӕй. Фӕлӕ ахицӕн аргъӕвтой ӕбӕлвырд рӕсӕтӕгмӕ, цӕрджыты ӕнӕ бафӕдзӕхсгӕйӕ, цӕй фӕстиуӕгӕн уыдонӕн сӕвзӕрын кодтой бӕлвырд зынвадӕттӕ.

ЦХИНВАЛ, 8 ноя — Sputnik. Дыццӕгмӕ нывӕзтгонд рухсы ахицӕн Хуссар Ирыстоны ӕрцыд иргъӕвд ӕбӕлвырд рӕстӕгмӕ, фехъусын кодта Sputnik ПУК "Энергоресурс"-ы сӕргълӕууӕг Гӕбӕраты Алан.

Электрохаххы цӕгатирыстойнаг фадыгыл, кӕцыйы уылты электроэнерги хӕццӕ кӕны нӕ республикӕмӕ, дыццӕджы хъуамӕ уагъд цыдаиккой нывӕзтгонд цалцӕггӕнӕн куыстытӕ.

"Ацы куыстытӕ хаст ӕрцыдысты фӕстӕдӕр рӕстӕгмӕ. Уымӕ ӕнӕкӕсгӕйӕ, ацы мадзӕлттӕ ауадзын хъӕуы зымӕгон рӕстӕгмӕ бацӕттӕ кӕныны тыххӕй. Дырыс датӕйы тыххӕй та мах ногӕй бафӕдзӕхсдзыстӕм цӕрджыты", — загъта Гӕбӕраты Алан.

Рухсы ахицӕн ныр ахастой дыккӕгӕм хатт. Дыууӕ хатт дӕр "Энергоресурс" бафӕдзӕхста цӕрджыты ацы ахицӕны тыххӕй.

Ремонт линий электропередачи - Sputnik Хуссар Ирыстон
Хуссар Ирыстоны дыццӕджы ахицӕн кӕндзысты рухс

Уый ма нысан кодта, уыцы бон кӕй нӕ кусдзысты сабидӕттӕ, уымӕн ӕмӕ ӕнӕ электроэнергийӕ нӕй фадат сцӕттӕ кӕнын сывӕллӕттӕн хъарм хӕринаг.

"Амӕй размӕ цӕрджыты бафӕдзӕхстой рухсы ахицӕны тыххӕй. Ӕмӕ сабидон куыста ӕрвылбонон режимы. Абон та сабидӕттӕ нӕ кусынц, уымӕн ӕмӕ рухс кӕй нӕ ахицӕн кӕндзысты, уый тыххӕй нӕ бафӕдзӕхстой цӕрджыты. Райсомӕй райдыдтон агурын, мӕ сывӕллонӕн кӕимӕ ныууадзон", — дзуры цхинвайлаг Гаглойты Каринӕ.

Дзыллон информацийы фӕрӕзтӕй кӕцыдӕртӕ райсомӕй фехъусын кодтой, рухс кӕй ахуыссыд, афтӕмӕй та цхинвайлӕгты хӕдзӕртты нырма дӕр ис рухс.

Ног хабӕртты лентӕ
0