ЦХИНВАЛ, 9 ноя — Sputnik. Sputnik Хуссар Ирыстоны журналисттӕ ссисты Сырх Дзуары Ӕхсӕнадӕмон комитеты (СДӔК) конкурсы уӕлахиздзаутӕ, уый тыххӕй редакцийӕн фехъусын кодта миссийы ӕхсӕнадимӕ бастдзинӕдты фӕдыл кусӕг Тедеты Маринӕ.
Сырх Дзуары Ӕхсӕнадӕмон комитеты (СДӔК) мисси сарӕзта фӕстиуджытӕ журналистон конкурсӕн "Дорогами милосердия". Конкурсы нысан уыд ӕхсӕнады ӕндӕр ӕмӕ ӕндӕр сегментты (хицауад, ӕмбӕстагон ӕхсӕнад, бизнес) хъусдард социалон ӕххуысхъуаг цӕрджыты проблемӕтӕм аздахын ӕмӕ СДӔК-ы архайды фӕдыл корректон информаци парахат кӕнын.
Жюри бӕрзонд аргъ скодта Козаты Дианайы ӕрмӕг "Рабæрæг 2008 азы æбæрæгæй фесæфæг хуссарирыстойнаг æмбæстаджы хъысмæт" ӕмӕ Плиты Фатимӕйы ӕрмӕг "Цхинвалы фӕстаг уираг".
Куыстытӕн аргъ кодтой СДӔК-ы мӕскуыйаг регионалон делегацийы ӕхсӕнадимӕ бастдзинӕдты фӕдыл хайады кусджытӕ ӕмӕ хӕдбар эксперт-журналист Цӕгат Кавказӕй.
Аргълӕвӕрд цыд развӕлгъау сфидаргонд схемӕмӕ (рейтинг 1-ӕй 10-ы онг) ӕмӕ критеритӕм гӕсгӕ: журналистон дӕсниад, конкурсы темӕйы райхӕлд ӕмӕ ӕрмӕджы социалон нысаниуӕг.
Конкурсмӕ ист цыдысты ӕрмӕджытӕ, кӕцытӕ дзыллон информацийы фӕрӕзты мыхуыр ӕрцыдысты 2015-2016 азты ӕмӕ сӕрмагондӕй конкурсӕн бацӕттӕгонд ӕрмӕджытӕ.
