ЦХИНВАЛ, 11 ноя — Sputnik. Цӕгат Иырстоны полици ссардта, Транскамы рухсӕздахӕг элементтӕ цы фыдгӕнӕг раскъуыдта, уый, хъусын кӕны уагдоны пресс-службӕ.
Фыдгӕнӕг раскъуыдта 118 рухсӕздахӕг элементы Транскамы 6 километры дӕргъӕн фадыгыл. Бакӕнгӕ зианы иумӕйаг суммӕ у 123 мин сомӕй фылдӕр. Уыимӕ иумӕ азымгонд райста бирӕ къаддӕр ӕхца, металлисӕн пунктмӕ уыдон бахӕсгӕйӕ.
"Алагиры полицийы кусджытӕ райхӕлдтой фыдракӕнд тынг цыбыр ӕмгъуыдмӕ. Оперативон-агурӕн мадзӕлтты комплекс ауадзыны рӕстӕджы, фадыгон ӕххӕстбарджынтӕ сбӕлвырд кодтой, фыдгӕнӕг кӕй у райцентры 30-аздзыд цӕрӕг", — дзырдӕуы хъусинаджы.
Йӕ къӕсӕрыл полицийы кусджыты ауынгӕйӕ, ӕмбӕстаг уайтагъд ӕрфӕсмон кодта саразгӕ фыдракӕндыл ӕмӕ раздӕхта ӕртӕ амонӕджы, кӕцытӕ йӕхицӕн ныууагъта зӕрдылдарынӕн.
Ацы факты фӕдыл баконд ӕрцыд уголовон хъуыддаг УФ УК 158-ӕм статьямӕ гӕсгӕ "Давд". Уагъд цӕуынц слестгӕнӕн мадзӕлттӕ.
