ЦХИНВАЛ, 22 ноя — Sputnik. Информацион агентад ӕмӕ радиойы портал Sputnik Хуссар Ирыстон ахсы фыццаг бынат бӕстӕйы интернет-ресурстӕй пайдагӕнджыты ӕхсӕн. Liveinternetы 2016 азы октябры бӕрӕггӕнӕнтӕм гӕсгӕ, Sputnik Хуссар Ирыстон ахсы фыццаг бынат ахӕм информацион агентадты ӕхсӕн, куыд "Осинформ", "Осрадио" ӕмӕ "Рес".
"Бузныг дӕн интернет-пайдагӕнджытӕ ӕмӕ радиохъусджытӕй, кӕцытӕ кӕсынц нӕ сайт ӕмӕ хъусынц нӕ радоимӕ. Ацы цифрӕты фӕстӕ ис нӕ командӕйы алы уӕнджы ӕнувыд куыст дӕр. Ӕмӕ нын ӕхсызгон у, аудитори ахӕм бӕрзонд аргъ кӕй скодта нӕ куыстӕн. Агентады нывӕзты дарддӕр дӕр ис куысты темп уӕрӕхдӕр кӕнын. Нӕ пайдагӕнджытӕм ӕнхъӕлмӕ кӕсынц оперативон информаци, актуалон комментаритӕ ӕмӕ эксклюзивон контент. Мах ӕххӕст кӕнӕм Sputnikы слоган — дзурын ӕргомӕй, иннӕтӕ цӕй кой нӕ кӕнынц", — загъта информацион агентад ӕмӕ радио Sputnik Хуссар Ирыстоны къухдариуӕггӕнӕг Нарек Ордян.
Популярон информацион ресурсты рейтинг бацӕттӕгонд ӕрцыд интернет-аудиторийы барӕн Liveinternetы бӕрӕггӕнӕнты ӕмӕ Хуссар Ирыстоны уникалон пайдагӕнджыты аудиторийы барӕнты бындурыл, кӕцытӕ ӕрцыдысты уагъд 2016 азы октябры.
Портал Sputnik Хуссар Ирыстон йӕ куыст райдыдта националон ӕмӕ уырыссаг ӕвзӕгтыл 2015 азы июны. Ресурсы редакторты ӕмӕ журналистты профессионалон командӕ кӕсджыты размӕ хӕссы актуалон ӕхсӕнадӕмон цауты фӕдыл алыгъуызон цӕстӕнгас. Радио Sputnik Хуссар Ирыстон дзуры бӕстӕйы ӕппӕт территорийыл, цӕттӕ кӕны ӕхсӕнадон-политикон ӕмӕ культурон тематикӕйы фӕдыл программӕтӕ, афтӕ ма ног хабӕртты рауагъдтӕ.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
