ЦХИНВАЛ, 2 дек — Sputnik, Козаты Диана. Гасситы Мурӕт ӕмӕ Денис Лебедев майрӕмбоны рацыдысты тохы размӕ уӕз барыны официалон церемони.
Тохы уӕлахиздзау бауыдзӕн IBF ӕмӕ WBA-йы верситӕм гӕсгӕ чемпионы титулты хицау.
"Уӕз барыны фӕстиуджытӕм гӕсгӕ, Гасситы Мурӕт разынд 0,6 килограммы рогдӕр йӕ ныхмӕлӕууӕгӕй — у растдӕр 90 килограммы", — загъта тренер Сланты Виталий.
Раздӕр мыхуыры фӕрӕзтӕ фехъусын кодтой, Лебедевы промоутер кӕй бахатыд WBA-мӕ, цӕмӕй тох ма ацӕуа ацы организацийы рон рамбылыны сӕраппонд. Гасситы Мурӕт официалон ӕгъдауӕй у ӕрмӕстдӕр IBF-ы титулмӕ претендент.
Тренеры ныхӕстӕм гӕсгӕ, WBA нырма ницы дзуапп радта ацы куырдиатӕн, уымӕ гӕсгӕ ныхмӕлӕуды статус нӕ фӕивта.
"Уый ахӕм ницӕйаг хъуыддаг у, ӕмӕ йыл дзургӕ дӕр ничи кӕны. Сӕйрагдӕр у тох рамбулын ӕмӕ чемпион суӕвын", — банысан кодта уый.
Гасситы Мурæт æмæ Лебедевы тох ацæудзæн сабаты, 3 декабры, мæскуыйаг спортивон комплекс "Мегаспорты" аренæйыл. Ныхмӕлӕуды комкоммӕ трансляци равдисдзысты Цхинвалы дӕр, киноконцертон зал "Чермен"-ы.
