ЦХИНВАЛ, 4 дек — Sputnik. Гасситы Мурӕтмæ, кæцы рамбылдта Денис Лебедевимæ тох, æнхъæлмæ кæсынц йæ райгуырæн бæстæ Хуссар Ирыстоны, загъта республикӕйы президент Тыбылты Леонид.
Хуссар Ирыстоны къухдариуæггæнæг уыд аренæ "Мегаспорт"-ы. Тохы хæдфæстæ уый раарфæ кодта Гасситы Мурӕтæн йӕ уæлахизы тыххæй ӕмӕ банысан кодта, тохмæ сæ цæст кӕй дардтой æппæт Хуссар Ирыстоны.
"Уырныдта нæ дæ уæлахиз æмæ нын нæ ныфсытæ нæ фæсайдтай. Абон æппæт арфæтæ дæр хъуысынц дæ номыл", — загъта Тыбылты Леонид Мурӕтæн.
Тыбылты Леонид бафтыдта йæ ныхæстæм, уæлахидзаумæ кæй æнхъæлмæ кæсынц йæ райгуырæн бæстæйы канд боксæн табугæнджытæ нæ, фæлæ фæсивæд æмæ æппæт Хуссар Ирыстон.
