ЦХИНВАЛ, 6 дек — Sputnik, Болататы Алина. Цӕгат Ирыстоны сӕргълӕууӕг Битарты Вячеслав схорзӕхджын кодта Гасситы Мурӕт ӕмӕ йӕ тренер Сланты Виталийы майдантӕй "Во Славу Осетии".
Афтӕ ма боксер-чемпион ӕмӕ йӕ тренерӕн Битарты Вячеслав балӕвар кодта фатертӕ дӕр.
Бӕстӕйы сӕргълӕууӕг банысан кодта, уӕлдай бузныг кӕй фӕцис спортсменӕй, йӕ уӕлахиз Ирыстонӕн кӕй снывонд кодта, уый тыххӕй.
"Фӕнды мӕ раарфӕ кӕнын йӕ уӕлахизы тыххӕй не ‘мзӕххон Гасситы Мурӕтӕн, афтӕ ма Сланты Виталийӕн. Ӕнӕ уый фыдӕбон ӕмӕ куыстӕй, ӕвӕццӕгӕн, нӕ уыдаиккой ацы уӕлахизтӕ дӕр. Стыр бузныг уын", — загъта Битары фырт.
Уый бахахх кодта, ацы уӕлахиз Ирыстонӕн тынг ахсджиаг кӕй у, уымӕн ӕмӕ разӕнгард кӕны фӕсивӕды спортӕй архайынмӕ, ӕнтыстытӕм тырнынмӕ.

"Ӕппӕт Ирыстон ӕнхъӕлмӕ каст ацы ӕнтыстмӕ ӕмӕ, мӕ хъуыдымӕ гӕсгӕ, ацы хабар бандӕвта нӕ уӕлахизыл ӕвӕрццагӕй", — загъта промоутер.