ЦХИНВАЛ, 9 дек — Sputnik. Хуссар Ирыстоны парламенты спикер Бибылты Анатолий официалонӕй фехъусын кодта, йӕ кандидатурӕ 2017 азы президентон ӕвзӕрстытӕм кӕй раразмӕ кӕндзӕн. Уый тыххӕй спикер загъта йӕ пресс-конференцийы Sputnik. Хуссар Ирыстоны мультимедион пресс-центры.
"Фондз мин адӕймаджы цы партийы сконды ис, уый сӕрдарӕн йӕ бон нӕу ӕмӕ ма раразмӕ кӕна йӕ кандидатурӕ президентон ӕвзӕрстыты", — загъта Бибылты Анатолий.
Уый банысан кодта, бӕрнон паддзахадон бынӕтты куыст йын хуыздӕр кӕй бамбарын кодта уавӕр республикӕйы, бамбӕрста фӕсивӕд ӕмӕ пенсиисджыты проблемӕтӕ, афтӕ ма куыд хъӕуы скъуыддзаг кӕнын актуалон фарстытӕ медицинӕ, ахуырад ӕмӕ ӕндӕр къабӕзты.
"Кӕй зӕгъын ӕй хъӕуы, уавӕр фӕхуыздӕр кӕныны тыххӕй плӕнттӕ ӕмӕ проекттӕ хъӕуы срелизаци кӕнын. Уымӕ гӕсгӕ ӕз хайад исдзӕн президентон ӕвзӕрстыты", — бахахх кодта Бибылты Анатолий.
Уый ма бафтыдта, йӕ кандидатурӕ раразмӕ кӕныны тыххӕй уынаффӕ ист кӕй ӕрцӕудзӕн парти "Иугонд Ирыстон"-ы съезды, кӕцы уагъд ӕрцӕудзӕн январы.
