ЦХИНВАЛ, 13 дек — Sputnik. Хуссар Ирыстоны президент Тыбылты Леонид раарфӕ кодта Днестргæрон Молдаваг республикæйы президентон ӕвзӕрстыты фӕуӕлахизы тыххӕй Вадим Красносельскийӕн, фехъусын кодта Sputnik бӕстӕйы сӕргълӕууӕджы пресс-секретарь Гана Яновская.
"Уырны мӕ, президенты бынатмӕ дӕ равзӕрстӕй мах кӕй суыдзыстӕм ӕвдисӕнтӕ РХИ ӕмӕ ДМР хсӕн хӕларадон ахастыты сфидар кӕнынӕн ӕмӕ сӕ райрӕзтӕн нӕ адӕмты хӕрзӕбонӕн", — дзырдӕуы арфӕйы телы.
Днестргæрон Молдаваг республикæйы ЦӔК къуырисӕры официалонӕй фехъусын кодта Вадим Красносельскийы уӕлахизы тыххӕй президентон ӕвзӕрстыты хъӕлӕсты 62% сисгӕйӕ. Йӕ сӕйраг оппонент, бӕстӕйы архайгӕ президент Евгений Шевчук ӕрӕмбырд кодта ӕрмӕстдӕр хъӕлӕсты 28%.
