ЦХИНВАЛ, 14 дек — Sputnik. Цæгат Ирыстоны хӕхтӕй иуӕн радтой сæрибардзинады сакъадахы дзæнæттаг раздзог Фидель Кастройы ном, фехъусын кодта дзыллон информацийы фӕрӕзтӕн РЦИ-А альпинизмы федерацийы президент Хæмыцаты Хъазбег.
"Цæгат Иры алкæмæн дæр зындгонд у Фидель Кастройы ном. Уый уыд сæрибардзинады ирд символ, сæрибардзинадæн та ирон адæм кæнынц стыр аргъ. Стæй ма уый уыд ирон номдзыд инæлар Плиты Иссæйы хæлар, кæцы разамынад дæтта советон æфсадæн Кубайы ивгъуыд ӕнусы 60-æм æзты райдайæны", — банысан кодта Хæмыцаты Хъазбег.
Цæгат Ирыстоны Дыгуры районы 3750 метры бæрзæндæн хох нырмæ уыд æнæсаст æмæ æнæном. Ныр Google-картæмӕ адæттой информаци номы фæдыл — Фидель Кастройы хох ӕмӕ йын йӕ цъуппыл æрсахтой Кубайы тырыса. Ацы паддзахадон символ цæгатирыстойнаг альпинисттæн ӕрхаста сакъадахы минæвар Уæрæсейы.
Уымæй дарддæр ма Цæгат Ирыстоны фæнд кæнынц командантейы номыл спортивон ерыстæ дæр ауадзын.
