ЦХИНВАЛ, 15 дек — Sputnik. Мӕскуыйаг футболон клуб ӔЦСК ӕрдӕгхъахъхъӕнӕг Зӕгъойты Аланы ацыды фӕдыл информаци у дам-дум, фехъусын кодта Р-Спорт ӕфсӕддонты сӕйраг тренер Виктор Ганчаренко.
Раздӕр дзыллон информацион фӕрӕзтӕ фехъусын кодтой, Зӕгъойты Аланы сӕхимӕ кӕй хонынц "Эвертон", "Суонси" ӕмӕ "Саутгемптон", афтӕ ма футболист цымыдис кӕны Европӕйы цалдӕр раззагон клубы дӕр.
"Зӕгъойты Аланы ацыд у дам-дум. Уӕ бон у ӕмӕ сӕхгӕнат ацы фарст", — загъта Ганчаренко.
Къуырисӕры ӔЦСК фехъусын кодта Виктор Ганчаренкойы сӕйраг тренерӕй снысан кӕныны тыххӕй. Белорусаг специалист ацы бынаты раивта Леонид Слуцкийы.
