ЦХИНВАЛ, 15 дек — Sputnik. Ӕдасдзинады федералон службæ рагацау аиуварс кодта Мæскуыйы цалдæр теракт саразыны фадæттæ, кæцытæ хъуамæ бацӕттӕ кодтаид къорд "Пысылмон паддзахады" (тобæгонд Уæрæсейы) Туркы цæрæг эмиссары хæслæвæрдмæ гæсгæ, фыссы РИА Новости сæрмагонд службæты хъусинаг.
Релизы дзырд цæуы, раиртæстуæвæг диверсион-террористон къорды сконды кӕй уыдысты Таджикистаны æмбæстæгтæ æмæ Молдавийы иу цæрæг.
Æдæппæтæй æрурæдтой цыппар адæймаджы. Басгæрстыты рæстæджы сæм ссардæуыд хиаразгæ хæлæн æрмæджытæ, автоматикон зынгæхсгæ мигæнæнтæ, афтæ ма "хæлæн æрмæджы зынгæ бæрц", кæцыйæ фæнд кодтой саразын тыхджын бомбæ.
ӔФС-йы банысан кодтой, боевиктæ кӕй цæттæ кодтой теракттæ комкоммæ ПП эмисары хæслæвæрдмæ гæсгæ, кæцы Таджикистаны хицауады фæндмæ гæсгæ лæвæрд æрцыд æхсæнадæмон агуырдмæ æмæ ныридæгæн ис Туркы.
