ЦХИНВАЛ, 16 дек — Sputnik. Ӕфсæддон-гуырдзиаг фæндаджы цæгатирыстойнаг фадыгыл ӕрӕмбырд 500 стыр уæзласæн машинæйы, трассæ æвзæр боныгъæды аххосæй æххæст гуырахстæй кæй нæ кусы, уымæ гæсгæ, хъусын кæны РИА Новости Уæрæсейы уæлвæткон уавæрты цæгатирыстойнаг сæйраг управленийы минæвары ныхæстæ.
Ӕфсæддон-гуырдзиаг фæндагыл 30 ноябрӕй фæстæмӕ стыр уæзласæн машинæтæ хизынц фæстиæттимæ. Цалдæр хатт фæндаг бакодтой машинӕтӕ ауадзыны нысанæн, фæлæ та йӕ 13 декабрæй ӕрæхгӕдтой. Дыууæ боны фæстæ фæндагон змæлд байгом ис рог машинæтæн.
"Ныридæгæн фæндаджы æрбакондмæ æнхъæлмæ кæсынц 500 уæзласæн машинæйы. Уӕлвӕткон уавӕрты министрад фæндагыл сæвæрдта фондз хъармгæнæн пункты. Абон изæры 18.00 сахатмæ ма сæм бафтаудзысты ноджы æртæ", — загъты агентады ныхасæмбал.
Йæ ныхæстæм гæсгæ, хъармгæнæн пункттæ æрласдзысты Цæцæн, Мæхъæл æмæ Кæсæг-Балхъары республикæтæй. Ацы регионтæй æрласдзысты хæлцад дæр.
