ЦХИНВАЛ, 20 дек — Sputnik. Хуссар Ирыстоны Паддзахадон ӕдасдзинады комитет 2016 азы сбӕлвырд кодта республикӕйы ӕмбӕстӕгтӕй авды, кӕцытӕ куыстой гуырдзиаг сӕрмагонд службӕты пайдайӕн, загъта журналисттӕн уагдоны сӕргълӕууӕг Виктор Шаргаев.
"Ацы аз авд хуссарирыстойнаг ӕмбӕстаджы раргом кодтой Гуырдзыстоны сӕрмагонд службӕты пайдайӕн фыдгӕнон архайды, уыдонӕн рахастӕуыд официалон фӕдзӕхст. Уыдон ӕрфӕсмон кодтой сӕ архайдыл ӕмӕ сты ПӔК-ы ӕнгом хъусдарды бын", — загъта уый.
Шаргаевы ныхӕстӕм гӕсгӕ, ма раргом ӕрцыдысты Гуырдзыстоны сӕрмагонд службӕты ноджы авд кусӕджы, кӕцытӕ куыстой хуссарирыстойнаг фӕдыздӕхты.
"Уыдон сты адӕм, кӕцытӕ куыстой не ‘мбӕстӕгтимӕ, ӕмӕ сты нӕ хъусдарды бын, уый нымӕцы нӕ уӕрӕсейаг партнерты уылты", — банысан кодта ПӔК-ы сӕргълӕууӕг.
