Преми "Булæмæргъ" дыккаг хатт сиды мæлгъæвзаг литератортæм

© Fotolia / doris_bredowЗаписные книжки
Записные книжки - Sputnik Хуссар Ирыстон
Рафыссын
Хуссар Ирыстоны минæварад Уæрæсейы райдыдта исын 2017 азы Æхсæнадæмон литературон преми "Булæмæргъ"-мæ куыстытæ.

ЦХИНВАЛ, 23 дек — Sputnik. Хуссар Ирыстоны минæварад Уæрæсейы сиды курдиатджын фысджытæ, поэттæ æмæ тæлмацгæнджытæм 2017 азы Æхсæнадæмон литературон преми "Булæмæргъ"-ы хайад исынмæ, хъусын кæны минæвæрады сайт.

Бестауты Аланӕ - Sputnik Хуссар Ирыстон
"Булæмæргъ"-ы лауреат Бестауты Аланӕ: Ирыстон фысджыты фæндиаг уæд

Ирон æвзаджы райрӕзт æмæ парахат кæныны нысанӕн Хуссар Ирыстоны минæварад Уæрæсейы расидт литературон преми "Булæмæргъ" фыццаг хатт 2015 азы кæрон. Минæварад преми расиды организаци "Стройцентр"-ы æххуысæй. Ивгъуыд азы конкурсы хайад райстой куыд зындгонд поэттæ, афтӕ ӕвзонг курдиатджын автортæ дӕр.

"Преми райсыны тыххæй раразмæгонд цæуынц ирон æвзагыл фыст уацмыстæ æмæ æндæр æвзæгтыл фыст уацмысты авторон тæлмацтæ. Раразмæ кæнын ис романтæн, уацаутæн, радзырдты, науæд уацауты æмбырдгæндтæн, æмдзæвгæты æмбырдгæндтæн, документалон прозæ æмæ мемуартæн", — дзырдæуы хъусинаджы.

Цхинвалы фæбæрæг сты литературон конкурс Булæмæргъ-ы лауреаттæ - Sputnik Хуссар Ирыстон
Цхинвалы фæбæрæг сты литературон конкурс "Булæмæргъ"-ы лауреаттæ

Уацмысты автортæ кæм цæрынц æмæ уацмыстæ кæм рацыдысты мыхуыры, уымæн преми ницы арæнтæ æвæры.
Конкурсы хайад райсын фадат ис 14-41 азы кары алкæмæндæр, кæцытæ дæсны сты ирон æвзаджы.

Преми райсыны тыххæй уацмыстæ ист цæудзысты 2017 азы кæфты мæйы кæронмæ.

"Булæмæргъ"-ы фыццаг премийы лауреатттæ систы- фыццаг бынат конкурсы бацахста Плиты Инал тæлмац æмдзæвгæты тыххæй, дыккаг лауреат ссис газет "Хурзæрин"-ы кусæг, поэт Годжысаты Нелли. Лауреатты нымæц ма баххæст кодта фарастæм къласы ахуырдзау Бестауты Аланӕ.

Ног хабӕртты лентӕ
0