Социалон хызӕгты парахат кӕны хэштег #russiansdidit (уый сарӕзтой уырыссӕгтӕ, ӕндӕр варианты — алцӕй мидӕг дӕр аххосджын сты уырыссӕгтӕ).
Интернетӕй пайдагӕнджыты хъусдард аздӕхта америкӕйаг ӕмӕ европӕйаг политикты иумӕйаг тренд, кӕцытӕ ӕнцонӕй аххосджын кӕнынц сӕ хъизӕмӕртты ӕмӕ бӕллӕхты Уӕрӕсейы.
Цардуаджы ӕмвӕзад дӕлӕмӕ кӕй хауы — уыдон сты Уӕрӕсейы хъуыддӕгтӕ. Америкӕйаг бомбæппарджытæ куы фӕкъуыхцы вӕййынц — уым дӕр та у аххосджын Уӕрӕсе. Британи Евроцӕдисы скондӕй рахызт — уым дӕр та ис уӕрӕсейаг политикӕйы фӕд. Ӕмӕ афтӕ дарддӕр.
Твиттер ӕмӕ Фейсбукы пайдагӕнджытӕ нӕ ауагътой трендӕй ахынджылӕг кӕныны фадат ӕмӕ сӕвӕрынц сӕ сывӕллӕтты кӕнӕ хӕдзарон цӕрӕгойты фыдуагдзинӕдтӕ ӕмбӕлон хэштег #russiansdidit-ы бын.
Хуссар Ирыстоны та "уый сарӕзтой уырыссӕгтӕ"-йӕн ис бынтондӕр ӕндӕр нысаниуӕг. Республикӕйы цӕрджытӕн #Russiansdidit нысан кӕны мингай квадратон метртӕ сцалцӕггонд ӕмӕ ног бӕстыхӕйттӕ. Фотолентӕйы мах равдыстам, #Russiansdid Хуссар Ирыстоны цы сарӕзта, уымӕн ӕрмӕстдӕр йӕ чысыл хай.
