ЦХИНВАЛ, 30 дек — Sputnik. Хуссар Ирыстон ӕрӕхгӕндзӕн Гуырдзыстонимӕ арӕн 31 декабры ӕхсӕв, фехъусын кодтой Паддзахадон ӕдасдзинады комитеты пресс-службӕйы.
Ведомствӕйы куыд банысан кодтой, афтӕмӕй ахӕм скъуыддзаг райст ӕрцыд Ног азы размӕ ӕдасдзинады мадзӕлттӕ фӕкарздӕр кӕныны нысанӕн. Арӕн ӕрцӕудзӕн ӕхгӕд 31 декабры 7.00 сахатӕй. Уадзӕн пункттӕ ӕрвылбонон режимы скусдзысты 1 январы 7.00 сахатыл.
Уымӕй дарддӕр ма Хуссар Иры МХМ-ы кусджытӕ ногазон бӕрӕгбӕтты рӕстӕгмӕ рахиздзысты службӕ хӕссыны фӕтыхджындӕргонд режиммӕ. МХМ-ы пресс-службӕйы банысан кодтой, ӕхсӕнадон уагӕвӕрдмӕ сӕ хъус кӕй дардзысты уагдоны 600 кусӕджы.
