ЦХИНВАЛ, 9 янв — Sputnik. Дзӕуджыхъӕуы полицӕйы кусджытӕ ′рцахстой Краснодары крайы 42-аздзыд цӕрӕг сылгоймаджы, кӕцы сайдта горӕты базарадон центрты рӕузӕрдӕ кассирты, хъусын кӕны Цӕгат Ирыстоны МХМ-ы пресс-службӕ.
Уагдоны информацимӕ гӕсгӕ, фыдгӕнӕг-иу йӕ цӕст ӕрӕвӕрдта аслам базайрагыл, бадӕтта иу фондзминон купюрӕ, уый фӕстӕ-иу ныхӕстыл асайдта кассиры ӕмӕ иу айста фӕстӕмӕ йе ′хца, уыимӕ ма хурда дӕр фондзминон купюрӕйӕ.
МХМ-ы куыд банысан кодтой, афтӕмӕй фыдгӕнӕджы ӕрцахсынӕн ахъаз уыд фадыгон полицӕйӕгты къæрцхъусдзинад. Ахӕм фӕрӕзы фӕрцы ӕхца бакусыны радон фӕлвӕрды рӕстӕджы цӕстфӕлдахӕджы ӕрцахстой.
Дзыллон информацийы фӕрӕзтӕ фыдгӕнӕджы ӕрцахсыны тыххӕй куы фехъусын кодтой, уый фӕстӕ полицӕмӕ райдыдтой цӕуын йӕ архӕйдтытӕй зианбаййафӕг ӕмбӕстӕгты куырдиӕттӕ.
