ЦХИНВАЛ, 9 ноя — Sputnik. Цӕгат Ирыстоны тӕрхондон рахаста ӕртӕ азы дзырдӕй ӕмӕ егъау ивары тӕрхон РЦИ-А республикон мидхъуыддӕгты министрады миграцийы фарстыты фӕдыл управленийы кусӕгӕн, хъусын кӕны регионалон ӔФС-йы пресс-службӕ.
Ведомствӕйы куыд банысан кодтой, афтӕмӕй Бедойты Диана спайда кодта йӕ службӕйон уавӕрӕй, цӕмӕй иса гӕртӕмттӕ лигъдӕттӕй рӕстӕгмӕ цӕрыны тыххӕй æмгъуыдивгъуыд барлæвæрдтӕ адарддӕр кӕныны тыххӕй.
"Цӕгат Ирыстоны ӔФСУ-йы ӕмӕ мидхъуыддӕгты министрады кусджыты оперативон-агурӕн мадзӕлттӕ ауадзыны рӕстӕджы, 60 мин сомы бӕрц гӕртам райсгӕйӕ фыдгӕнӕг ӕрцыд ахст цауы бынаты йӕ кусӕгон кабинеты", — дзырдӕуы хъусинаджы.
Тӕрхондон сылгоймагӕн рахаста зылыны тӕрхон ӕртӕ азы дзырдӕй ӕмӕ 1,8 млн сомы ивар бафидын.
