ЦХИНВАЛ, 16 янв — Sputnik. Цæгат Ирыстоны скъолатæ æмæ сабидæттæ сæ дуæрттæ æрбакодтой мæйон карантины фæстæ, хъусын кæны 15 регион.
Цæгат Ирыстоны скъолатæ æмæ скъолаагъоммæ ахуырадон уагдæтты карантин конд æрцыд декабры астæу, æхснырсæгæй рынчынты нымæц кæй сбирæ, уый аххосагæй.
Ахуыргæнæн-хъомыладон процесс сног кæнын сфæнд кодтой, æхснырсæгæй рынчынты нымæц кæй фæкъаддæр ис, уымæ гæсгæ. 7-14 азы кары сывæллæтты хсæн та æхснырсæг эпидемиийы масштаб нæ райста.
Уымæ æнæкæсгæйæ, эпидеми рапарахат кæнын ма руадзыны тыххæй ист цæуынц мадзæлттæ. Скъолатæ æмæ скъолайы агъоммæ ахуырадон уагдæтты æрвылрайсом сгардзысты сабиты.
Ахуырадон уагдæтты куыст сног кæныны тыххæй уынаффæ рахаста Цæгат Ирыстоны æнæниздзинад хъахъхъæнынады министрад Роспотребнадзоры регионалон хайадимæ иумæ.
