ЦХИНВАЛ, 19 янв — Sputnik. Президенты постмӕ дыууӕ сӕйраг кандидаттӕ Тыбылты Леонид ӕмӕ Бибылты Анатолийы ӕхсӕн чысыл дӕрддзӕг дзурӕг у ууыл, ӕмӕ фӕуӕлахиз уыдзӕн, йӕ равзӕрст чи нӕма сбӕлвырд кодта, уыцы электорат дыууӕйӕ кӕмӕн бантыса мобилизаци скӕнын, уый, фехъусын кодта политикон конъюнктурӕйы Центры директор Алексей Чеснаков.
Хуссар Ирыстоны парламент 17 январы официалон ӕгъдауӕй фехъусын кодта радон президентон ӕвзӕрстытӕ ауадзыны датӕ, уыдон уагъд ӕрцӕудзысты 9 апрелы.
Абоны бонмӕ президенты бынатмӕ сӕ кандидатурӕтӕ раразмӕ кӕныны тыххӕй фехъусын кодтой республикӕйы архайгӕ президент Тыбылты
Леонид, парламенты спикер Бибылты Анатолий. Афтӕ ма йӕ президентон амбициты тыххӕй цалдӕр мӕйы хъусын кӕны экс-президент Кокойты Эдуард.
Фӕлӕ Республикӕ Хуссар Ирыстоны президенты алдминистрацийы сӕргълӕууӕг Тъехты Алан куыд банысан кодта, афтӕмӕй республикӕйы архайгӕ закондӕттынад нӕ дӕтты Кокойты Эдуардӕн барадон бындуртӕ апрелы ӕвзӕрстыты хайад райсынӕн, уымӕн ӕмӕ йын нӕй биноныгдзинады ценз.
Аналитикон центр НАФИ (Уӕрӕсе) 2016 азы декабры цы ӕрфарст ауагъта, уый бӕрӕггӕнӕнтӕ сбӕлвырд кодтой, Тыбылты Леонидӕн сӕ хъӕлӕстӕ раттын кӕй фӕнд кӕнынц респондентты 35,6%, Бибылты Анатолийӕн та — 35,1%. Ӕрфарсты хайад райстой иу мин респондӕнтӕй фылдӕр Хуссар Ирыстоны алы районтӕй, ӕргом ӕмӕ ӕхгӕд хуызы дыууынӕй фылдӕр фарстайӕн дзуапп ратгӕйӕ.
Суинаг кандидатты ӕхсӕн ис ӕрмӕстдӕр чысыл дӕрдзӕг ӕмӕ у бӕрӕг къаддӕр статистикон хъӕндзинадӕй (иртӕсты хъӕндзинады бӕрц у 2,8 — 3,1%). Уыимӕ иумӕ, респондентты 17,4% банысан кодтой, ныры онг кӕй нӕма рабӕрӕг кодтой сӕ ӕлхынцъон хатдзӕг.
Ӕвзӕрстагъоммӕ дугъты сӕйраг интригӕ уыдзӕн уый мидӕг ӕмӕ кадидаттӕй алкӕцыдӕр ӕвзарджыты ацы къордимӕ сӕ куыст куыд сараздзысты.
