Хуссар Иры Дзауы районы басыгъд 86-аздзыд сылгоймаджы хӕдзар

© Sputnik / Алексей Петров /  Ахизын медиабанкмæПожар
Пожар - Sputnik Хуссар Ирыстон
Рафыссын
Иу уысмӕ гом арвы бын аззад 86-аздзыд Тедеты Дуся, Хуссар Ирыстоны Дзауы районы хицӕуттӕ фидар ныфс дӕттынц, кӕй йын бакӕнындзысты цыфӕнды ӕнӕмӕнгхъӕуӕг ӕххуыс дӕр.

ЦХИНВАЛ, 20 янв — Sputnik, Козаты Диана. Дзауы районы Хъорсеуы хъӕуы цӕрӕг сылгоймаджы хӕдзарыл цыппӕрӕмы сирвӕзт зынг, цӕй фӕстиуӕгӕн хъӕдын бӕстыхай нымад минуттӕм бынсыгъд бацис.

Зынгвæдисонты ахуыртæ - Sputnik Хуссар Ирыстон
Цхинвалы ацыдысты зынгвæдисонты ахуыртæ

Хуссар Ирыстоны УУМ-ы пресс-службӕйы Sputnik фехъусын кодтой, зынгирвӕзт кӕй ӕрцыд изӕры аст сахатмӕ ӕввахс, фӕлӕ фӕндӕгтӕ ихӕй бырынцъаг кӕй сты, уый аххосагӕн сыгъдхуыссынгӕнӕн машинӕ рӕстӕгыл нӕ фӕхӕццӕ бынатмӕ.

"Сыгъдхуыссынгӕнджыты бахъуыд сӕ цӕлхытыл рӕхыстӕ бакӕнын, цӕмӕй ахизой фӕндагыл. Уымӕн бахъуыд ӕгӕр бирӕ рӕстӕг ӕмӕ хӕдзарӕн нӕ бантыст аирвӕзын кӕнын", — загъта ведомствӕйы пресс-секретарь Хъуылымбегты Елена.

Йӕ ныхӕстӕм гӕсгӕ, хӕдзар уыд кӕлӕддзаг, бӕллӕхы развӕлгъау аххосӕг — электрохызӕджы цыбыр ныдзӕвд.

Хӕдзары хицау уыд 86-аздзыд Тедеты Дуся, уый бирӕ рӕстӕг цӕры иунӕгӕй. Дӕрддзӕф хъӕуы ма ис ӕрмӕстдӕр цалдӕр бинонтӕ ӕмӕ цалынмӕ сылгоймаг сыхӕгтӕм ӕххуысмӕ тындзыдта, уӕдмӕ хӕдзар цъыбыртты сыгъд бацис. Рӕстӕгмӕ гом арвы бын ӕнӕ исадӕй аззайӕг сылгоймаджы сӕхимӕ акодтой сыхӕгтӕ.

"Цалынмӕ мах тындзыдтам, цӕмӕй бафӕлварӕм зынг ахуыссын кӕнын, уӕдмӕ хӕдзар басыгъд. Куы баввахс стӕм, уӕд райхъуыст цавӕрдӕр срӕмыгъд — ӕмӕ дзы ницыуал аззад", — загъта Sputnik сылгоймаджы сыхаг Тедеты Валик.

Йӕ ныхӕстӕм гӕсгӕ, сылгоймагӕн нӕ бантыст хӕдзарӕй исты рахӕссын, ӕгӕрстӕмӕй йӕ документтӕ дӕр — йӕхӕдӕг дӕр диссаджы ирвӕзт акодта.

Сыхӕгтӕ фӕхабар кодтой Дусяйы ӕфсымӕрмӕ, кӕцы цӕры Дзӕуджыхъӕуы.

Дзауы районы администрацийы фехъусын кодтой, ведомствӕйы кусджытӕ майрӕмбоны райсомӕй кӕй ацыдысты Хъорсеумӕ, цӕмӕй бынаты саргъ кӕной, сылгоймагӕн цы зиан бакондӕуыд, уымӕн.

Цхинвайлаг скъоладзауты схорзæхджын кодтой зынгирвæзт ахуыссын кæныны тыххæй

Администрацийы ма банысан кодтой, хъӕумӕ фӕндаг кӕй уыд хорз уавӕры, раздӕр дзы районон службӕтӕ ныккалдтой цӕхх.

Администрацийы пресс-службӕйы фидар дзырд раттой, зианбаййафӕгӕн кӕй бакӕндзысты ӕппӕт ӕнӕмӕнгхъӕуӕг ӕххуыс, фыццаджыдӕр уал рацӕудзӕн хоскӕнынад бынӕттон рынчындоны.

"Сылгоймагӕн йӕхицӕн ницы зиан ӕрхастӕуыд зынгирвӕзты рӕстӕджы, фӕлӕ у карджын ӕмӕ йе ‘нӕниздзинад у лӕмӕгъ. Уымӕ гӕсгӕ, администрацийы сӕргълӕууӕг Чилӕхсаты Владимир ӕмӕ сылгоймаджы хӕстӕджытӕ аскъуыддзаг кодтой, дыууӕ къуырийы бӕрц уый кӕй уыдзӕн дохтырты хъусдарды бын районон рынчындоны", — загъта Sputnik районон администрацийы пресс-секретарь Тедеты Лиана.

Уый банысан кодта, хоскӕнынад рацӕуыны фӕстӕ кӕй цӕудзӕн дзырд зианбаййафӕг сылгоймагӕн конретон ӕххуыс бакӕныныл.

Ног хабӕртты лентӕ
0