ЦХИНВАЛ, 20 янв — Sputnik. Дзӕуджыхъӕуккаг полицийы минӕварӕн стӕрхон кӕндзысты кусӕгон барты сӕрты ахизыны ӕмӕ тӕссаг уавӕры ныууагъды хъуыддӕгты фӕдыл, кӕцытӕ ӕркодтой 39-аздзыд Цкъаты Владимиры амӕлӕтмӕ, хъусын кӕны Цӕгат Ирыстоны СК слестгӕнӕн управлени.
Фӕдагуырды версимӕ гӕсгӕ, 2015 азы 31 октябры 13:47 сахатыл Дзæуджыхъæуы полицийы хайадтæй иумæ бакодтой 39-аздзыд Цкъаты Владимиры, цыран йемæ куыстой фæдагурæн хайады оперативон кусджытæ. 1 ноябры æхсæвы нæлгоймаг уадзыгæй бахаудта Дзæуджыхъæуы республикон клиникон рынчындонмæ ӕмӕ амард реанимацион хайады.
Ведомствӕйы информацимӕ гӕсгӕ, фӕдагуырды рӕстӕджы аххосджынтӕй дыууӕйӕ сарӕзтой тӕрхонагъоммӕ бадзырд ӕмӕ активонӕй ахъаз кодтой ацы фыдракӕнд раргом кӕнынӕн.
Фӕдагуырд ӕрӕмбырд кодта ӕмбӕлон нымӕц ӕвдисӕндартӕ, цӕй фӕстиуӕгӕн ӕрмӕджытӕ зылынгӕнӕн хатдзӕгимӕ лӕвӕрд ӕрцыд тӕрхондонмӕ.
