ЦХИНВАЛ, 23 янв — Sputnik. Архайгӕ президент Тыбылты Леониды президенты бынатмӕ кандидатӕй раразмӕ кӕныны фӕдыл инициативон къорд январы кӕрон ауаддзӕн ӕмбырд, фехъусын кодтой Sputnik ЦӔК-ы.
Хуссар Ирыстоны президентон ӕвзӕрстытӕ нысан ӕрцыдысты 9 апрелмӕ. Раздӕр, парти "Иугонд Ирыстоны" фехъусын кодта Централон ӕвзарӕн къамисмӕ, 25 январы кӕй нывӕнды ӕмбырд ауадзын, уый тыххӕй.
"Центрӕххӕсткоммӕ ӕрбацыд хъусынгӕнинаг, 31 январы Тыбылты Леониды президенты бынатмӕ кандидатӕй раразмӕ кӕныны фӕдыл интициативон къорд кӕй ауаддзӕн ӕмбырд", — загътой ЦӔК-ы.
Къамисы минӕвар ма бафтыдта, ӕмбырды архайджыты нымӕц 100-йӕ къаддӕр кӕй хъуамӕ ма уа.
Тыбылты Леонид фӕуӕлахиз президентон ӕвзӕрстыты 2012 азы. Ивгъуыд азы кӕрон уый фехъусын кодта, йӕ кандидатурӕ кӕй раразмӕ кӕндзӕн дыккаг президентон ӕмгъуыдмӕ.
Раздӕр сӕ президентон амбициты тыххӕй фехъусын кодтой парламенты спикер Бибылты Анатолий ӕмӕ экс-президент Кокойты Эдуард.
