ЦХИНВАЛ, 27 янв — Sputnik. Хуссар Ирыстоны Паддзахадон Ӕдасдзинады комитеты кусӕг Гаглойты Аланы президенттӕм кандидатӕй раразмӕ кӕныны фӕдыл инициативон къорд майрӕмбоны бахаста хъусынгӕнӕн Централон ӕвзарӕн къамисмӕ ӕмбырд ауадзыны фӕдыл, загътой Sputnik ЦӔК-ы.
Гаглойты Алан абоны бон у фӕндзӕм претендӕнт паддзахады сӕйраг постмӕ. Раздӕр сӕ президентон амбициты тыххӕй фехъусын кодтой архайгӕ президент Тыбылты Леонид, парламенты спикер Бибылты Анатолий, экс-президент Кокойты Эдуард ӕмӕ депутат Къозонты Алан.
"Абон махмӕ ӕрбацыдысты Хуссар Ирыстоны Паддзахадон Ӕдасдзинады комитеты кусӕг Гаглойты Аланы президенттӕм кандидатӕй раразмӕ кӕныны фӕдыл инициативон къорды минӕвӕрттӕ. Уыдон фӕнд кӕнынц ауадзын ӕмбырд 2 февралы Профцӕдисты бӕстыхайы, цы ран раразмӕгонд ӕрцӕудзӕн Гаглойты Аланы кандидатурӕ", — банысан кодтой ЦӔК-ы.
Хуссар Ирыстоны президентон ӕвзӕрстытӕ уагъд ӕрцӕудзысты 2017 азы 9 апрелы.
