Тыбылты Леониды раразмæ кодтой президенттæм кандидатæй

© Sputnik / Ада Багиан7 лет признания Южной Осетии
7 лет признания Южной Осетии - Sputnik Хуссар Ирыстон
Рафыссын
Инициативон къорды æмбырд уагъд æрцыд паддзахадон киноконцертон зал "чермен"-ы, цы ран æрæмбырд сты Хуссар Ирыстоны архайгæ президенты сæдæгай фарсхæцджытæ.

ЦХИНВАЛ, 1 фев — Sputnik. Хуссар Ирыстоны архайгæ президенты фарсхæцджытæ раразмæ кодтой Тыбылты Леониды кандидатурæ республикæйы сæргълæууæджы бынатмæ æвзæрстытæм, инициативон къорды æмбырд уагъд æрцыд дыццæджы паддзахадон кинонконцертон зал "Чермен"-ы.

Æрæмбырдуæвджыты раз ныхас кæнгæйæ, президент банысан кодта, кæй хъæуы адарддæр кæнын æвæрд нысæнттæ æххæст кæнын æмæ къуыхцытæ иуварс кæныны фæдыл куыст.

"Махæн нæ бон у ныфсджынæй дзурын не 'нтыстыты тыххæй, кæцытæ къухты бафтыдысты иумæйаг куысты фæрцы, фæлæ нырма хъæуы бирæ саразын. Ис бæлвырд фæндаг, кæцыйыл мах ныллæудзыстæм", — загъта Тыбылты Леонид.

ПККЗ "Чермен"-ы зал æмæ холлы къух батъыссæн дæр нæ уыд, президенты фарсхæцджытæ лæмбынæгæй хъуыстой йæ раныхасмæ.

Алан Козонов - Sputnik Хуссар Ирыстон
Инициативон къорд раразмæ кодта Къозонты Аланы президенты бынатмæ кандидатæй

Тыбылты Леонид радон хатт æрсидт Хуссар Ирыстоны политикон процесты хайадисджытæм равдисын бæрнон ахаст æмæ æххæст кæнын намысджын конкуренцийы уагæвæрд.

Тыбылты Леониды фарс балæууынæн Цæгат Ирæй æрцыд делегаци Битарты Вячеславы сæргълæудæй, кæцы раныхас кодта æмбырды. Уый банысан кодта Ирыстоны цæгат æмæ хуссары æмгуыстады æвæрццаг фарс æмæ равдыста ныфс, æмгуыстад кæй адарддæр уыдзæн.

Парламентон партитæ "Адæмы иудзинад", "Ныхас" æмæ "Фыдыбæстæ"-йы разамонджытæ загътой бузныг Тыбылты Леонидæн, 2011 азы кризисы фæстæ æхсæнады æрбангом кæныны фæдыл архайды æмæ республикæйы сæндидзыны æмæ экономикон райрæзты тыххæй.

Ног хабӕртты лентӕ
0