ЦХИНВАЛ, 6 фев — Sputnik. Президенты бынатмӕ претендент Гулиты Владимир нывӕнды йӕ кандидатурӕ сисын ӕмӕ йӕ скъуыддзаджы тыххӕй Централон ӕвзарӕн къамисӕн фехъусын кӕнын. Уый тыххӕй Sputnik фехъусын кодта Гулиты Владимир йӕхӕдӕг.
Гулийы фырты фарцхӕцджытӕ ивгъуыд къуыри фехъусын кодтой ЦӔК-ӕн, инициативон къорд кӕй нывӕнды ӕмбырд ауадзын.
"Аскъуыддзаг кодтон мӕ документтӕ Централон ӕвзарӕн къамисӕй рахӕссын. Ӕвӕццӕгӕн, абон ацудзӕн ЦӔК-мӕ ӕмӕ сын фехъусын кӕндзӕн мӕ фӕндон", — загъта Гулиты Владимир.
Уый нӕ бамбарын кодта йӕ скъуыддзаджы аххосӕгтӕ.
ЦӔК-ы Sputnik фехъусын кодтой, нырма сӕм кӕй ницы информаци ис, президентон ӕвзӕрстытӕм кандидаттӕй исчи йӕ документтӕ фӕстӕмӕ хъуамӕ ахӕсса ӕви нӕ.
