ЦХИНВАЛ, 6 фев — Sputnik. Хуссар Ирыстоны арӕнхъахъхъӕнджытӕ ӕрурӕдтой 47-аздзыд арӕнсӕттӕджы Гуырдзыстонӕй, загътой Паддзахадон ӕдасдзинады комитеты пресс-службӕйы.
"Гуырдзыстоны Гуры районы Зертийы хъӕуы цӕрӕг Тиелидзе Джимшер Михаилы фырт 4 февралы фехӕлдта Хуссар Ирыстоны паддзахадон арӕны режим ӕмӕ йӕ арӕнхъахъхъӕнджытӕ ӕрурӕдтой Цхинвалы районы Громы хъӕумӕ ӕввахс", — банысан кодтой ведомствӕйы.
ПӔК-ы Арӕнгӕрон службӕ ныртӕккӕ уадзы равзӕрст, дзырд цӕуы ӕрмӕджытӕ тӕрхондонмӕ адӕттыныл.
Раздӕр ПӔК фехъусын кодтой, кӕй ӕрурӕдтой Гуырдзыстоны цӕрӕг дыууӕ сылгоймаджы, кӕцытӕ, сӕ ныхӕстӕм гӕсгӕ, рахызтысты арӕныл хуыздӕр цардагур Хуссар Иры. Фӕстӕдӕр уыдон лӕвӕрд ӕрцыдысты Гуырдзыстонмӕ.
